________________
महानिसीह-सुय-खंधं
मज्झोमज्झी य दो खंडा फालिज्जामि तहेव य। अह पक्खिप्पामि दित्तग्गिं अंहवा छिज्जे जई सिरं ॥१२९।। तो वी हं नियम-वय-भंगं सील-चारित्त-खंडणं। मनसा वी एक्क-जम्म-कए ण कुणं समणि-केवली ॥१३०॥ खरुट्ट-साण-जाईसुं सरागा हिंडिया अहं । विकम्मं पि समायरियं अणंते भव-भवंतरे ॥१३१॥ तमेव खरकम्ममहं पव्वज्जापट्ठिया कुणं ।। घोरंधयारपायाला जेणं णो णीहरं पुणो ॥१३२॥ बे दियहे माणुसं जम्मं तं च बहुदुक्ख-भायणं । अणिच्चं खण-विद्धंसी बहु-दंडं दोस-संकरं ॥१३३॥ तत्थावि इत्थी संजाया-सयल-तेलोक्क-निंदिया। तहा वि पावियं धम्मं णिव्विग्घमणंतराइयं ॥१३४|| ता हं तं न विराहेमी पाव-दोसेण केणई। सिंगार-राग-सविगारं साहिलासं न चेट्ठिमो ॥१३५॥ पसंताए वि दिट्ठीए मोत्तुं धम्मोवएसगं। अण्णं पुरिसं ण निज्झायं णालवं" समणि-केवली ॥१३६।। तं तारीसं महापावं काउं अक्कहणीययं । तं सल्लमवि उप्पण्णं जह दत्तालोयण-समणि-केवली ॥१३७।। एमादि-अणंत-समणीओ दाउं सुद्धालोयणं। निसल्ला केवलं पप्पा सिद्धाओ अणादी-कालेण गोयमा ! ॥१३८॥ खंता बंता विमुत्ताओ जिइंदियाओ सच्च-भाणिरीओ। छ-क्काय-समारंभा विरया तिविहेण उ ॥१३९।। ति-दंडासव-संवुत्ता, पुरिस-कहा-संगवज्जिया। पुरीस-संलाव-विरयाओ, पुरिसंगोवंग-निरिक्खणा ॥१४०।। निम्ममत्ताउ स-सरीरे अपडिबद्धाउ महा-यसा । भीया छि-छि'-गब्भ-वसहीणं बहु-दुक्खाओ भवसंसरणाओ तहा ॥१४१॥ ता एरिसेण भावेणं दायव्वा आलोयणा। पायच्छित्तं पि कायव्वं तह जह एयाहिं समणीहिं कयं ॥१४२।।
[१५] ण उणं तह आलोएयव्वं माया-डंभेण केणई। जह आलोयमाणीणं पाव-कम्म-वुड्डी भवे ॥१४३॥ अणंतानाइ-कालेणं माया-डंभ-छम्म-दोसेणं, कवडालोयणं काऊं समणीओ ससल्लाओ आभिओग-परंपरेणं छट्ठियं पुढविं गया ।छ। ॥१४४।।
१ पावियु खं. २ । २ विराहामि सु. आ. | ३ रगसविखं. । ४ पप्प सु. आ. । ५ णादिका सु. आ । ६ त्थि स्थिग ला थीग सु.
आ।७'या दंभे सु. आ। Jain Education International
For Private & Personal Use Only
www.jainelibrary.org
