Page Text
________________
१५२
महानिसीह-सुय-खंधं अ.
पावकम्माभिणिविट्ठज्झवसायाणं, अहो अभीयाणं पर-लोग-गमणंधयार-घोर-दारुण-दुक्ख-कंडू-कडाहसामलि-कुंभी-पागाइ-दुरहियासाणं, एवं च बहुमणसा परितप्पिऊण अणुयत्तणा विरहियधम्मेक्क-रसियसुपसंतवयणेहिणं पसंत-महुरक्खरेहिंणं धम्म-देसणा पुव्वगेणंभणिया कुमारेणं रायकुल-वालिया-नरिंद-समणी, गोयमा! तेणं मुणिवरेणं । जहा णं-दुक्करकारिगे ! मा एरिसेणं माया-पवंचेणं अच्चंत-घोर-वीरुग्ग-कट्ठ-सुदुक्करतव-संजम-सज्झाय-झाणाईहिं समज्जिए निरणुबंधि-पुण्ण-पब्भारे निप्फले कुणसु, ण किंचि एरिसेणं माया-डंभेणं अणंत-संसारदायगेणं पओयणं नीसंकमालोएत्ताणं नीसल्ल-मत्ताणं कुरु। अहवा अंधयार-नट्टिगानट्टमिव-धमियसुवण्णमिव एक्काए फुक्कयाए जहा तहा निरत्थयं होही । तुझेयं वालुप्पाडण-भिक्खा-भूमी-सेज्जा-बावीस परीसहोवसग्गाहियासणाइए काय-किलेसे' त्ति ।
[३१] तओ भणियं तीए भग्गलक्खणाए जहा भयवं! किं तुम्हेहिं सद्धिं छम्मेणं उल्लविज्जइ ? विसेसणं आलोयणं दाउमाणेहिं णीसंकं पत्तिया, णो णं मए तुमं तक्कालं अभिलसिउकामाए सरागाहिलासाए चक्खूए निज्झाइ उ त्ति किंतु तुज्झ परिमाण-तोलणत्थं निज्झाइओ 'त्ति । भणमाणी चेव णिहणं गया । कम्म-परिणइवसेणं समज्जित्ताणं बद्ध-पुट्ठ-निकाइयं उक्कोस-ठिइं इत्थीवेयं कम्मं गोयमा ! सा राय-कुल-वालिया नरिंद-समणि त्ति। __तओ य स-सीस-गणे गोयमा ! से णं महच्छेरगभूए सयंबुद्ध-कुमार-महरिसीए विहीए संलिहिऊणं अत्ताणगं मासं पावोवगमणेणं सम्मेयसेलसिहरम्मि अंतगओ केवलित्ताए सीसगण-समण्णिए परिणिव्वुडे त्ति।
सा उण रायकुल-वालिया णरिद-समणी गोयमा ! तेण माया-सल्ल-भाव-दोसेणं उववण्णा विज्जुकुमारीणं वाहणत्ताए णउलीरूवेणं किंकरीदेवेसुं । ततो चुया समाणी पुणो पुणो उववज्जंती वावज्जंती अहिंडिया माणुस तिरिच्छेसुं सयल-दोहग्ग-दुक्ख-दारिद्द-परिगया सव्वलोय-परिभूया सकम्मफलमणुभवमाणी गोयमा ! जाव णं कह कह वि कम्माणं खओवसमेणं बहु-भवंतरेसुं तं आयरिय-पयं पाविऊण निरइयार-सामण्ण-परिपालणेणं सव्वत्थामेसुं च सव्वपमायालंबण-विप्पमुक्केणं तु उज्जमिऊणं निद्दड्वावसेसी-कय-भवंकुरे तहा वि गोयमा ! जा सा सरागा-चक्खुणालोइया तया तक्कम्मदोसेणं माहणित्थित्ताए परिनिव्वुडेणं से रायकुलवालियाणरिद-समणी जीवे।
[३२] ‘से भयवं ! जे णं केई सामण्णमब्भुटेज्जा से णं एक्काइ जाव णं सत्त-अट्ठ-भवंतरेसु नियमेण सिज्झेज्जा ता किमेयं अणूणाहियं लक्ख-भवंतर-परियडणं' ति, ? 'गोयमा ! जे णं केई निरइयारे सामन्ने निव्वाहेज्जा से णं नियमेणं एक्काइ जाव णं अट्ठभवंतेरसुं सिज्झे । जे उ णं सुहमे बायरे केई मायासल्ले वा आउकाय-परिभोगे वा, तेउकायपरिभोगे वा, मेहुण-कज्जे वा, अन्नयरे वा, केई आणाभंगे काऊणं सामण्णमइयरेज्जा से णं जं लक्खेण भवग्गहणेणं सिझे, तं महइ लाभे, जओ णं सामण्णमइयरित्ता बोहिं पि लभेज्जा दुक्खेणं । एसा सा गोयमा ! तेणं माहणी जीवेणं माया कया। जीए य एदहमेत्ताए वि एरिसे पावे दारुणे-विवागि त्ति।
‘से भयवं ! किं तीए मयहरीए तेहिं से तंदुलमल्लगे पयच्छिए किं वा णं सा वि य मयहरी तत्थेव तेसिं समं असेस-कम्मक्खयं काऊणं परिणिव्वुडा हवेज्ज ? ति।। __ गोयमा ! तीए मयहरिए तस्स णं तंदुल-मल्लगस्सट्ठाए तीए माहणीए धूय त्ति काऊणं गच्छमाणी अवंतराले चेव अवहरिया सा सुज्जसिरी, जहा णं मझं गोरसं परिभोत्तूणं कहिं गच्छसि.संपयं ? त्ति । आह 'वच्चामो
१ पबंधेणं ला.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |