Page Text
________________
१२६
महानिसीह-सुय-खंधं ..
जेसिं च णं पुव्वाहीयं सुत्तं ण अत्थे व, अउव्व-नाण-गहणस्स णं असंभवो वा, तेसिं अवि घडिगूण पढम-पोरिसीए पंच-मंगलं पुणो पुणो परावत्तणीयं । अहा णं णो परावत्तिया विगहं कुव्वीया वा निसामिया वा, से णं अवंदे। __ एवं घडिगूणाए पढम-पोरिसीए जे णं भिक्खू एगग्ग-चित्तो सज्झायं काऊणं तओ पत्तग-मत्तग-कमढगाई भंडोवगरणस्सणं अव्वक्खित्ताउत्तो विहीए पच्चुप्पेहेणं न करेज्जा, तस्स णं चउत्थं पच्छित्तं निद्दिसेज्जा।
भिक्खू-सद्दो पच्छित्त-सद्दो य, इमे सव्वत्थ पइ-पयं जो जणीए', जइ णं तं भंडोवगरणं ण भुंजीया, अहा णं परिभुंजे, दुवालसं।
[१६] एवं अइक्कंता पढमा पोरिसी।
बीय-पोरिसीए अत्थ-गहणं ण करेज्जा, पुरिवर्ल्ड । जइ णं वक्खाणस्स णं अभावो, अहा णं वक्खाणं अत्थ एव, तं न सुणेज्जा, अवंदे।
वक्खाणस्सासंभवे कालवेलं जाव वायाणाइ-सज्झायं ण करेज्जा, दुवालसं । एवं पत्ताए काल-वेलाए जं किंचि अइय-राइय-देवसिय-अइयारे निंदिए गरहिए आलोइए पडिक्कते, जं किंचि काइगं, वा वाइगं, वा माणसिगं वा उस्सुत्तायरणेण, वा उम्मग्गायरणेण, वा अकप्पासेवणेण, वा अकरणिज्ज-समायरणेण, वा दुज्झाएण, वा दुचिंतिएण, वा अणायार-समायरणेण, वा अणिच्छियव्व समायरणेण, वा असमण-पाओग्ग-समायरणेण, वा णाणे दंसणे चरित्ते सुए सामाइए तिण्हंगुत्तियादीणं चउण्हं कसायादीणं पंचण्हं महव्वयादीणं छण्हं जीव-निकायादीणं [सत्तण्हं पाणेसणमाईणं] सत्तण्हं पिंडेसणाइणं अट्ठण्हं पवयणमाइणं नवण्हं बंभचेर-गुत्तादीणं दसविहस्स णं समणधम्मस्स एवं तु । जाव णं एमाइ अणेगालावगमाईणं खण्डणे विराहणे वा आगम-कुसलेहिं णं गुरूहिं पायच्छित्तं उवइ8, तं निमित्तेणं जहा सत्तीए अणिगूहिय-बल-वीरिय-पुरिसयार-परक्कमे असढत्ताएअदीण-माणसे अणसणाइ स-बझंतरं दुवालसविहं तवो-कम्मं गुरूणं अंतिए पुणरवि निटैकिऊणं सुपरिफुडं काऊणं तह त्ति अभिणंदित्ताणं खंडखंडी-विभत्तं वा एग-पिंड-ट्ठियं वा ण सम्म अणुचिट्टेज्जा, से णं अवंदे। ___ 'से भयवं ! के णं अटेणं खंडखंडीए काउमणुचेद्वेज्जा ? गोयमा ! जे णं भिक्खू संवच्छरद्धं चाउमास खमणं वा एक्को लग्गं काऊणं ण सक्कुणोइ, से णं छट्ठ-ट्ठम-दसम-दुवालसद्ध-मास-खमणेहिं णं तं पायच्छित्तं अणुपवेसेइ अन्नमवि जं किं चि पायच्छित्ताणुयं । एते णं अत्थेणं खण्ड-खण्डीए समणुचेट्टे, । एवं तु समोगाढं किंचूणं पुरिवढं।
[१७] एयावसरम्मि उ जे णं पडिक्कमंते, इ वा वंदंते, इ वा सज्झायं करते, इ वा संचरते इ वा परिभमंते, इ वा गए, इ वा ठिए, इ वा बइठ्ठल्लगे, इ वा उठ्ठियल्लगे, इ वा तेउ-काएण फुसियल्लगे भवेज्जा, से णं आयंबिलं। ण संवरेज्जा. तओ चउत्थं ।
[१८] अण्णेसिं तु जहा जोग्गं जहेव पायच्छित्ताणि पविसंति, तहा स-सत्तीए तवो-कम्मं णाणुट्ठिएइ, तओ चउगुणं पायच्छित्तं । तं एव बीय-दियहे उवइसेज्जा । जेसिं च णं वंदंताण, वा पडिक्कमंताण, वा दीहं वा मज्जार, वा छिंदिऊणं गयं हवेज्जा, तेसिं च णं लोय-करणं अन्नत्थगमणं, तं माणं उग्ग-तवाभिरमणं । एयाइं ण कुव्वंति, तओ गच्छ बज्झे।
जे णं तु तं महोवसग्ग-साहगं उप्पाइगं दुन्निमित्तं अमंगलावहं हविया।
१ जो जाणि. शु.। Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |