Page Text
________________
महानिसीह - सुय खंध
१२३
[६]
'से भयवं ! कइविहं पायच्छित्तं उवइट्ठे ?' गोयमा ! दसविहं पायच्छित्तं उवइवं, तं च अणेगहा जाव णं पारंचिए ।
'से भयवं ! केवइयं कालं जाव इमस्स णं पच्छित्त-सुत्तस्साणुट्ठाणं वट्टिही ? ' गोयमा ! जाव णं कक्की म रायाणे निणं गच्छिय एक्क - जियाययण - मंडियं वसुहं सिरिप्पभे अणगारे ।
‘भयवं ! उड्डुं पुच्छा गोयमा उड्डुं ण केइ एरिसें' ! पुण्ण भागे होही, जस्स णं इणमो सुयक्खंधं उवइसेज्जा । भवं ! केवइया पायच्छित्तस्स णं पयाइं ? गोयमा ! संखाइयाई पायच्छित्तस्स णं पयाई ।
[७]
'से भयवं ! तेसिं णं संखाइयाणं पायच्छित्तस्स पयाणं किं तं पढणं पायच्छित्तस्स णं पयं ? गोयमा ! पइदिण - किरियं ।
‘से भयवं ! किं तं पइदिण - किरिय' ? गोयमा ! जं अणुसमयं अहन्निसा - पाणोवरमं जाव अणुट्ठेयव्वाणि संखेज्जाणि आवस्सगाणि ।
'से भयवं ! केणं अट्ठेणं एवं वुच्चइ जहा णं- आवस्सगाणि' ? गोयमा ! असेस - कसिणट्ठ-कम्म क्खयकारिउत्तम-सम्म-दंसण'-नाण-चारित्त - अच्चंत - घोर- वीरुग्ग-कट्ठ- सुदुक्कर-तव- साहणट्ठाएँ परुविज्जंति नियमिय विभत्तुद्दिट्ठ-परिमिएणं काल - समएणं पयंपण अहन्निस - अणुसमयं आजम्मं अवस्सं एव तित्थयराइसु कति अणुट्ठिज्जंति, उवइसिज्जंति, परूविज्जंति, पण्णविज्जति सययं । एएणं अद्वेणं एवं वुच्चइ गोयमा ! जहा णं- आवस्सगाणि । तेसिं च णं गोयमा ! जे भिक्खू कालाइक्कमेणं, वेलाइक्कमेणं, समयाइक्कमेणं अलसायमाणे अणोवउत्त-पमत्ते अविहीए अण्णेसिं च असद्धं उप्पायमाणे अन्नयरमावस्सगं पमाइय - पमाइयं' संतेणं बलवीरिएणं सात-लेहडत्ताए आलंबणं वा किंचि घेत्तूणं चिराइउं पउरिया, णो णं जहुत्तयालं समणुट्ठेज्जा, से गोयमा ! महा - पायच्छित्ती भवेज्जा ।
I
[८]
'सेभवं ! किं तं बितियं पायच्छित्तस्सणं पयं ?' गोयमा ! बीयं तइयं चउत्थं पंचमं जाव णं संखाइयाई पच्छित्तस्स णं पयाई ताव णं एत्थं च एव पढम-पच्छित्त-पए अंतरोवगायाई समणुविंदा । 'से भयवं ! केणं अट्ठेणं एवं वुच्चइ ?' गोयमा ! जओ णं सव्वावस्सग - कालाणुपेही भिक्खू णं रोद्दट्टज्झाण-राग-दोस कसाय - गारवममाकाराइसुंळे णं अणेग-पमायालंबणेसु सव्व-भाव - भावतरंतरेहि णं अच्चंत - विप्पमुक्तो भवेज्जा । केवलं तु नाण-दंसण- चारित्त-तवोकम्म-सज्झायज्झाण- सद्धम्मावस्सगेसु अच्चतं अणिगूहिय- बल-वीरिय-परक्कमे सम्म अभिरमेज्जा । जाव णं सद्धम्मावस्सगेसुं अभिरमेज्जा, ताव णं सुसंवुडासव - दारे हवेज्जा । जाव णं सुसंवुडासव - दारे हवेज्जा, ताव णं सजीव - वीरिएणं अणाइ भव- गहणं संचियाणिट्ठ- दुट्ठ- ट्ठ-कम्मरासीए एगंत-निट्ठवणेक्कबद्ध-लक्खो अणुक्कमेण निरुद्ध जोगी भवित्ताणं निद्दद्धासेस - कम्मिंधणे विमुक्त जाइ-जरा-मरण-चउगइसंसार- पास- बंधणे य सव्व - दुक्ख विमोक्ख तेलोक्क- सिहर - निवासी भवेज्जा । एएणं अट्ठेणं गोयमा ! एवं वुच्चइ जहा णं-एत्थं चैव पढम-पए अवसेसाई " पायच्छित्त-पयाइं अंतरोवगयाई समणुविंदा |
[९]
'से भयवं ! कयरे ते आवस्सगे' ? गोयमा ! णं चिइ-वंदणादओ । ' से भयवं ! कम्ही " आवस्सगे असई पमाय-दोसेणं कालाइक्कमिए इ वा, वेलाइक्कमिए इ वा, समयाइक्कमिए इवा, अणोवउत्त - पमत्ते इ वा,
१ ° दंसण चार खं. । २°ट्ठा सुपरूविज्जंति नियं सं. । ३ माणो खं. सं. । ४ माणो ला. । ५ माइय संते सं. ६ तं चिंतिय जे. । ७ पढम पयपच्छि जे पढमपायपच्छि खं. सं. । ८ ममका जे. । ९ निदड्डासेसकम्मेणं खं । १० असेसा ला. । ११ कम्हा ला. । For Private & Personal Use Only
Jain Education International
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |