________________
महानिसीह-सुय-खंधं
११५
सयण-बंधव-परियारा देव-दाणव-पूइया । पणइयण-पूरियासा भुवणुत्तम-सुहालया ॥३२०॥ भोगिस्सरियं रायासिरि गोयमा ! तं तवज्जियं । जा दियहा केइ भुंजंति ताव ओहीए जाणिउं ॥३२१॥ खणभंगुरं अहो एयं, लच्छी पाव-विवड्डणी। ता जाणंता वि किं अम्हे चरित्तं नाणुचेट्ठिमो ? ॥३२२॥ जाव एरिस-मण-परिणाम ताव लोगतिया सुरा। थुणिउं भणंति ‘जग-जीव-हिययं तित्थं पवट्टिही ॥३२३।। ताहे वोसह-चत्त-देहा विहवं सव्व-जगुत्तमं । गोयमा ! तणमिव परिचिच्चा जं इंदाण वि दुल्लहं ॥३२४॥ नीसंगा उग्गं कहूं घोरं अइदुक्करं तवं। भुयणस्स वि उक्कट्ठ-समुप्पायं चरंति ते ॥३२५।। जे पुण खरहर-फुट्टसिरे एग-जम्म सुहेसिणो। तेसिं दुल्ललियाणं पि सुदृ वि नो हियइच्छियं ।।३२६।। गोयम ! महु-बिंदुस्सेव जावइयं तावइयं सुहं । मरणंते वी न संपज्जे कयरं दुल्ललियत्तणं ॥३२७।। अहवा गोयमा ! पच्चक्खं पेच्छ य जारिसयं नरा। दुल्ललियं सुहमणुहवंति जं निसुणेज्जा न कोइ वि ॥३२८॥ केइ करिति मासेल्लिं, हालिय-गोवालत्तणं दासत्तं तह पेसत्तं गोडत्तं सिप्पे बहू ।।३२९।।
ओलग्गं, किसि वाणिज्जं पाणच्चाय-किलेसियं । दालिद्दऽविहवत्तणं, केइ कम्मं काउं घराघरि ॥३३०॥ अत्ताणं वि गोवेउं ढिणि-ढिणिते य हिंडिउं।। नग्गुग्घाडे किलेसेणं, जा समज्जंति परिहणं ॥३३१॥ जर-जुण्ण-फुट्ट-सयच्छिदं लद्धं कह कह वि ओडणं । जा अज्ज कल्लिं कारिमोफर्स्ट ता तम वि परिहरगं ॥३३२।। तहा वि गोयमा ! बुज्झ फड-वियड-परिफडं एतेसिं चेव मज्झाओ अणंतरं भणियाण कर ॥३३३।। लोगं लोगाचारं च चेच्चा सयण-कियं त भोगावभोगं दाणं च, भोत्तूणं कदसणा. .२४|| धाविउं गुप्पि सुइरं, खिज्जिऊण अहान्नसं। कागिणिं कागिणी-काउं अद्धं पायं विसोवगं ॥३३५॥ कत्थइ कहिंचि कालेणं, लक्खं कोडिं च मेलिउं। जइ एगिच्छा मई पुण्णा बीया णो संपज्जए ॥३३६।। एरिसयं दुल्ललियत्तं, सुकुमालत्तं च गोयमा ! । धम्मारंभम्मि संपडइ, कम्मारंभे न संपडे ॥३३७।।
१र कुट्ट ख। Jain Education International
For Private & Personal Use Only
www.jainelibrary.org
