________________
महानिसीह-सुय-खंधं
११३
ताहे वि जल-घणे रणे मरुदेसे दिट्ठिविसो। सप्पो होऊण पंचमगं, पुढविं पुणरवि गओ ॥२९२।। एवं सो लक्खणज्जाए जीवो गोयमा ! चिरं । घण-घोर-दुक्ख-संतत्तो, चउगइ-संसार-सागरे ॥२९३।। नारय-तिरिय-कुमणुएसु आहिंडित्ता पुणो विहं। होइ सेणियजीवस्स, तित्थे पउमस्स खुज्जिया ॥२९४।। तत्थ य दोहग्ग-खाणी सा, गामे निय-जणणीओ वि य । गोयमा ! दिट्ठा न कस्सा वि अत्थियरइही तहिं भवे ॥२९५।। ताहे सव्व-जणेहिं सा 'उब्वियण्णिज्ज' त्ति काऊणं। मसि-गेरुय-विलित्तंगा, खरे रूढा भमाडिउं ।।२९६।। गोयमा उ पक्ख-पक्खेहिं, वाइय-खर-विरस-डिंडिमं । निद्धाडिहिई, ण अण्णत्थ गामे लहिइ पविसिउं ॥२९७|| ताहे कंदफलाहारा रण्ण-वासे वसतिया। (दट्ठा) प्रच्छंदरेण वियणत्ता णाहीए मज्झ देसए ।।२९८॥ तओ सव्वं सरीरं से भरिज्जी सुंदुराण य । तेहिं तु विलुप्पमाणी सा, दूसह-घोर-दुहाउरा ।।२९९॥ वियाणित्ता पउम-तित्थयरं तप्पएसे समोसढं। पेच्छिही जाव ता तीए॥ अण्णेसिमवि बह-वाही-वेयणा-परिगय-सरीराणं ॥३०॥ तद्देस विहारी भव्व सत्ताणं। णर-णारी-गणाणं तित्थयर-दंसणा चेव सव्व दुक्खं विणिट्ठिही ॥३०१॥ ताहे सो लक्खणज्जाए तहियं खुज्जियत्ते जीओ। गोयम ! घोरं तवं चरिउं, दुक्खाणमंतं गच्छिही ॥३०२॥ एसा सा लक्खणदेवी, जा अगीयत्थ-दोसओ। गोयम ! अणुकलुसचित्तेणं, पत्ता दुक्ख-परंपरं ॥३०॥ जहा णं गोयमा ! एसा लक्खण-देवज्जिया, तहा। सकलुस-चित्ते अगीयत्थे ऽणते पत्ते दुहावली ॥३०४|| तम्हा एयं वियाणित्ता, सव्व-भावेण सव्वहागीयत्थेहिं भवेयव्वं, कायव्वं तु सुविसुद्धं । निम्मल-विमल-नीसल्लं, निक्कलुसं मणं ति । बेमि ॥
- [८] (१) पणयामरमरुय मउडुग्घुट्ठ-चलण-सयवत्त-जयगुरु !
जगनाह, धम्मतित्थयर, भय-भविस्स वियाणग! (२) तवसा निद्दड्ड-कम्मंस ! वम्मह वइर वियारण,
चउकसायनिठ्ठवण, (३) सव्वजगजीववच्छल,
१ गामाओ जे. । २ छछंदरेणा । ३ विज्झीही शु. । Jain Education International
For Private & Personal Use Only
www.jainelibrary.org
