Page Text
________________
महानिसीह-सुय-खंध
१०७
को देइ, कस्स दिज्जइ, विहियं को हरइ, हीरए कस्स।
सयमप्पणो विढत्तं, अल्लियइ दहं पि सोक्खं पि॥२०२॥ (१३) चिंतमाणीए चेव उप्पण्णं केवलंणाणं कया य देवेहि केवलिमहिमा। (१४) केवलिणा वि नर-सुरासुराणं पणासियं संसय-तम-पडलं अज्जियाणं च । (१५) तओ भत्तिब्भरनिन्भराए पणाम-पुव्वं पुट्ठो केवली रज्जाए जहा भयवं! किमट्ठमहं एमहंताणं महा-वाहि-वेयणाणं भायणं संवुत्ता?' । (१६) ताहे गोयमा! सजल-जलहरसुरदुंदुहि-निग्घोस-मणोहारि-गंभीर-सरेणं भणियं केवलिणा जहा- 'सुणसु दुक्करकारिए। जंतुज्झ सरीर-विहडणकारणं ति । (१७) तए रत्त-पित्त-दूसिए अब्भंतरओ सरीरगे सिणिद्धाहारमाकंठाए" कोलियग मीसं परिभुत्तं । (१८) अन्नं च एत्थ गच्छे एत्तिए सए साहु-साहुणीणं, तहा वि जावइएणं अच्छीणि पक्खालिज्जंति तावइयं पि बाहिर-पाणगं सागारियट्ठाय निमित्तेणावि णो णं कयाइ परिभुज्जइ । (१९) तए पुण गोमुत्तं पडिग्गहणगयाएं तस्स मच्छियाहिं भिणिहिणित-सिंघाणग-लाला-लोलिय- वयणस्स णं सड्ढासुयस्स बाहिर-पाणगं संघट्टिऊणं मुहं पक्खालियं । (२०) तेण य बाहिर-पाणय-संघट्टण-विराहणेणं ससुरासुर-जग-वंदाणं पि अलंघणिज्जा गच्छ-मेरा अइक्कमिया । (२१) तं च ण खमियं तुज्झ पवयण-देवयाए जहा-साहूणं साहूणीणं च पाणोवरमे वि ण छिप्पे हत्थेणा वि जं कूव-तलाय-पोक्खरिणि-सरियाइ-मतिगयं उदगं ति । (२२) केवलं तु जमेव विराहियं ववगय-सयल-दोसं फासुगं तस्स परिभोगं पण्णत्तं वीयरागेहिं । (२३) ता सिक्खवेमि ताव एसा हु दुरायारा जेण अन्नो को वि न एरिस-समायारं पवत्तेइ । (२४) त्ति चिंतिऊणं अमुगं अमुगं चुण्णजोगं समुद्दिसमाणाए पक्खित्तं असण-मज्झम्मि ते देवयाए, तं च तेणोवलक्खिउं सक्कियं ति देवयाए चरियं । (२५) एएण कारणेणं ते सरीरं विहडियं ति, न उणं फासुदा-परिभोगेणं' ति । (२६) ताहे गोयमा ! रज्जाए वि भावियं जहा ‘एवमेयं ण अण्णह' त्ति चिंतिऊण विण्णविओ केवली जहा । (२७) 'भयवं ! जइ अहं जहुत्तं पायच्छित्तं चरामि. ता किं पण्णप्पड मज्झ एयं तणं?' (२८) तओ केवलिणा भणियं जहा-जड कोड पायच्छित्तं पयच्छइ ता पण्णप्पइ । (२९) रज्जाए भणियं जहा 'भयवं ! जइ तमं चिय पायच्छित्तं पयच्छसि अन्नो को एरिसमहप्पा ? (३०) तओ केवलिणा भणियं जहा-'दुक्करकारिए पयच्छामि अहं ते पच्छित्तं, नवरं पच्छित्तं एव नत्थि जेणं ते सुद्धी भवेज्जा । (३१) रज्जाए भणियं 'भयवं ! किं कारणं' । (३२) ति केवलिणा भणियं जहा 'जं ते संजइ-वंद-पुरओ गिराइयं जहा मम फासुग-पाण-परिभोगेण सरीरगं विहडियं ति । (३३) एयं च दुट्ठ-पाव-महा-समुद्दाएक्क-पिंडं तुह वयणं सोच्चा संखुद्धाओ सव्वाओ चेव इमाओ संजईओ। (३४) चिंतियं च एयाहिं जहा-निच्छयओ विमुच्चामो फासुओदगं । (३५) सय-ज्झवसायस्स आलोइयं निंदियं गरहियं च एयाहिं दिण्णं च मए एयाण पायच्छित्तं । (३६) एत्थं च एतेव-वयण-दोसेणं जंते समज्जियं अच्चंत-कडुविरस-दारुणं बद्ध-पुट्ठ निकाइयं तुंगं पावरासिं तं च तए कुट्ठ-भगंदर-जलोदर-वाय-गुम्म-सास-निरोह-हरिसागंडमालाइ-अणेग-वाहि-वेयणा-परिगय-सरीराए दारिद्द-दुक्ख-दोहग्ग-अयस-अब्भक्खाण-संताव-उव्वेगसंदीविय-पज्जलियाए अणंतेहिं भव-गहणेहिं सुदीह-कालेणं तु अहन्निसाणुभवेयव्वं । (३७) एएण कारणेणं एस इमा गोयमा ! सा रज्जज्जिया जाए अगीयत्थत्त-दोसेणं वायामेत्तेण एव एमहंतं दुक्खदायगं पाव-कम्म समज्जियं ति।
[७]
अगीयत्थत्त-दोसेणं, भाव सुद्धिं ण पावए। विणा भावविसुद्धीए, सकलुस-मणसो मुणी भवे ॥२०३।।
१कंठगए सा.। २"लियमीसं ला. । ३ "ट्ठाए नि ला। ४ पडिग्गाह खं.। ५ जहा साहणी जे। ६ तो जे. ७ एए तव्वयण खं.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |