________________
महानिसीह-सुय-खंधं
१०५
आसायणा कयं पावं आसुं जेण' विहुव्वती' । दिव्वं वास-सयं पुण्णं, अह सो पच्छित्तमणुचरे ॥१७७।। तं तारिसं महा-घोरं, पायच्छि सयं-मती। काउं पच्चेयबुद्धस्स सयासे पुणो वि गओ ॥१७८।। तत्था वि जा सुणे वक्खाणं तावऽहिगारम्मिमागयं । 'पुढवादीणं समारंभ, साहू तिविहेण वज्जए' ॥१७९॥ दढ-मूढो हुँ छ जोई ता ईसरो मुक्कपूओ। विचिंतेवं जहेत्थ जए को न ताइं समारभे ? ॥१८०।। पुढवीए ताव एसेव समासीणो वि चिट्ठइ। अग्गीए रद्धयं खायइ सव्वं बीय समुब्भवं। ' अण्णं च-विणा पाणेणं खणमेक्कं जीवए कहं ? ॥१८१।। ता किं पि तं पवक्खे स जं पच्चुयमत्थंतियं । इमस्सेव समागच्छे, ण उणेयं कोइ सद्दहे ॥१८२।। तो चिट्ठउ ताव एसेत्थं, वरं सो चेव गणहरो। अहवा एसो ण सो मज्झं, एक्को वी भणियं करे ॥१८३।। अलिया एवंविहं धम्मं ! किंचुद्देसेण तं पि य । साहिज्जइ, जो सवे किंचि, ण वुण मच्चंत-कडयडं ॥१८४।। अहवा चिटुंतु तावेए, अहयं सयमेव वागरं । सुहं सुहेण जं धम्म सव्वो वि अणुट्ठए जणो ॥१८५।। न कालं कडयडस्सऽज्जं धम्मस्सिति जा विचिंतइ । घडहडेंतोऽसणी ताव णिवडिओ तस्सोवरि ॥१८६।। गोयम ! निहणं गओ ताहे उववण्णो सत्तमाए सो। सासण-सुय-नाण-संसग्ग-पडिणीयत्ताए ईसरो ॥१८७॥ तत्थ तं दारुणं दुक्खं, नरए अणुभविउं चिरं । इहागओ समुद्दम्मि, महामच्छो भवेउ णं ॥१८८॥ पुणो वि सत्तमाए य तेत्तीसं सागरोवमे। दुव्विसहं दारुणं दुक्खं अणुहविऊणेहागओ ॥१८९॥ तिरिय-पक्खीसु उववण्णो, कागत्ताए स ईसरो। तओ वि पढमियं गंतुं उव्वट्टित्ता इहागओ ॥१९०।। दुट्ठ-साणो भवेत्ताणं पुणरवि पढमियं गओ। उव्वट्टित्ता तओ इहइं खरो होउं पुणो मओ ॥१९१॥ उववण्णो रासहत्ताए, छब्भव-गहणे निरंतरं।" ताहे मणुस्स-जाईए, समुप्पण्णो पुणो न.ओ ॥१९२।। उववण्णो वणयरत्ताए माणुसत्तं समागओ। तओ मरिउं समुप्पन्नो, मज्जारत्ताए स ईसरो ॥१९३।।
१ आसंजेण विकुब्व खं. ख. आसंझेण विझव्वती हे. । २ मुक्खसूओ. सं; मुक्खमच्चू खं. | ३ पचक्खेम खं. । ४ जो सुवे खं. ला.। ५ संमग्ण खं.।
Jain Education International
For Private & Personal Use Only
www.jainelibrary.org
