Page Text
________________
महानिसीह-सुय-खंधं
वा णिप्फेडं भवेज्जा, तओ तेसिं रयणदीवनिवासि-मणुयाणं स-विडवि-पासाय-मंदिरस्स चउप्पयाणं तक्खणा चेव तेसिं हत्था संघार-कालं भवेज्जा । एवं तु गोयमा ! तेसिं-तेणं-वज्ज-सिला-घरट्ट-संपुडेणं गिलियाणंपि तहियं चेव जाव णं सव्वट्ठिए दलिऊणं ण संपीसिए सुकुमालिया य ताव णं तेसिं णों पाणाइक्कमं भवेज्जा। ते य अट्ठी वइरमिव दुद्दले तेसिं तु । तत्थ य वइर-सिला-संपुडं कण्हग-गोणगेहिं आउत्तमादरेणं अरहट्टघरट्ट-खर-सण्हिग-चक्कमिव परिमंडलं भमालियं ताव णं खंडंति' जावणं संवच्छरं । ताहे तं तारिसं अच्चंत-घोर-दारुणं सारीर-माणसं महा-दुक्ख-सन्निवायं समणुभवेमाणाणं पाणाइक्कमं भवइ । तहा वि ते तेसिं अट्ठिगे णो फुडंति नो दो फले भवंति, णो संदलिज्जंति, णो विद्दलिज्जंति, णो परिसंति', । णवरं जाई काई वि संधि-संधाण-बंधणाई ताई सव्वाइं विच्छुडेत्ता णं विय जज्जरी भवंति। ___ तओ णं इयरुवल-घरट्टस्सेव परिसवियं चुण्णमिव किंचि अंगुलाइयं अट्ठि-खंडं दणं ते रयणदिवगे परिओसमुव्वहंते सिला-संपुडाइं उच्चियाडिऊणं ताओ अंतरंड-गोलियाओ गहाय जे तत्थ तुच्छहणे ते अणेग-रित्थ' संघाएणं विक्किणंति । एतेणं विहाणेणं गोयमा ! ते रयणदीव-निवासिणो मणुया ताओ अंतरंड-गोलियाओ गेण्हति ।
‘से भयवं ! कहं ते वराए तं तारिसं अच्चंतघोर-दारुण-सुदूसहं दुक्ख-नियरं विसहमाणो निराहार-पाणगे संवच्छरं जाव पाणे वि धारयंति' ? गोयमा ! सकय-कम्माणुभावओ। सेसं तु प्रश्नव्याकरणवृद्धविवरणादवसेयं । __ से भयवं! तओ वी मए समाणे से सुमती जीवे कहं उववायं लभेज्जा?' 'गोयमा! तत्थेव पडिसंतावदायगथले तेणेव कमेणं सत्त-भवंतरे तओ वि दुट्ठ-साणे, तओ वि कण्हे, तओ वि वाणमंतरे, तओ वि लिंबत्ताए वणस्सईए। तओ वि मणुएसुं, इत्थित्ताए, तओ वि छट्ठीए, तओ वि मणुयत्ताए कुट्ठी, तओ वि वाणमंतरे, तओ वि. महाकाए जूहाहिवती गए, तओ वि मरिऊणं मेहुणासत्ते अणंत-वणप्फतीए, तओ वि अणंत-कालाओ मणुएसुं संजाए । तओ वि मणुए महानेमित्ती, तओ वि सत्तमाए, तओ वि महामच्छे चरिमोयहिम्मि, तओ सत्तमाए तओ वि गोणे, तओ वि मणुए, तओ वि विडव-कोइलियं, तओ वि जलोयं वि महामच्छे, तओ वि तंदुलमच्छे, तओ वि सत्तमाए तओ वि रासहे, तओ वि साणे, तओ वि किमी, तओ वि ददुरे, तओ वि तेउ-काइए, तओ वि कुंथू, तओ वि महुयरे, तओ वि चडए, तओ वि उद्देहियं, तओ वि वणप्फतीए तओ वि अणंत-कालाओ मणुएसु इत्थीरयणं, तओ वि छठ्ठीए, तओ कणेरु, तओ वि वेसामंडियं नाम पट्टणं-तत्थोवज्झाय-गेहासण्णे लिंबत्तेणं वणस्सई, तओ वि मणुएसुं खुज्जित्थी, तओ वि मणुयत्ताए पंडगे, तओ वि मणुयत्तेणं दुग्गए, तओ वि दमए, तओ वि पुढवादीसुं भव-काय-द्वितीए पत्तेयं, तओ मणुए, तओ बाल-तवस्सी, तओ वाणमंतरे, तओ वि पुरोहिए, तओ वि सत्तमीए, तओ वि मच्छे, तओ वि सत्तमाए, तओ वि गोणे, तओ वि मणुए महासम्मद्दिट्ठीए अविरए चक्कहरे, तओ पढमाए, तओ वि इन्भे, तओ वि समणे अणगारे, तओ वि अणुत्तरसुरे, तओ वि चक्कहरे-महा-संघयणी भवित्ता णं निविण्ण-काम-भोगे जहोवइ8 संपुन्नं संजमं काऊण गोयमा ! से णं सुमइ-जीवे परिनिव्वुडेज्जा।
तहा य जे भिक्खू वा भिक्खूणीवा परपासंडीणं पसंसं करेज्जा, जे या वि णं णिण्हगाणं पसंसं करेज्जा, जेणं णिण्हगाणं अणुकूलं भासेज्जा, जेणं निण्हगाणं आययणं पविसेज्जा, जेणं निण्हगाणं गंथ-सत्थ-पयक्खरं वा परूवेज्जा, जे णं निण्हगाणं संतिए काय-किलेसाइए तवे इ वा, संजमे इ वा, नाणे इ वा, विण्णाणे इ वा, सुए इ वा, पंडिच्चे इ वा अभिमुह-मुद्ध-परिसा-मज्झ-गए सलाहेज्जा, से वि य णं परमाहम्मिएसुं उववज्जेज्जा जहा सुमती।
१ खेडंति खं. । २ अट्ठिउ सा. । ३ पहरि सा. । ४ निबुडे ला. । ५ रिच्छ संघा सं सा. । ६ महक्का. ला. । Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |