Page Text
________________
महानिसीह-सुय-खंधस्स
चउत्थमज्झयणं
[१] ‘से भयवं! कहं पुण तेण सुमइणा कुसील-संसग्गी कया आसी उ, जीए अ एरिसे अइदारुणे अवसाणे समक्खाए जेण भव-कायट्टितीए अणोर-पारं भव-सायरं भमिही? । से वराए दुक्ख-संतत्ते अलभंते सव्वण्णुवएसिए अहिंसा-लक्खण खंतादि-दसविहे धम्मे बोहिं ? ति गोयमा ! णं इमे, तं जहा-अत्थि इहेव भारहे वासे मगहा नाम जणवओ। तत्थ कुसत्थलं नाम पुरं । तम्मि य उवलद्ध-पुण्ण-पावे सुमुणिय -जीवाजीवादि'-पयत्थे सुमती-णाइल णामधेज्जे दवे सहोयरे महिड्डीए सड़गे अहेसि । अहण्णया अंतराय-कम्मोदएणं वियलियं विहवं तेसिं, ण उणं सत्त-परक्कम ति । एवं तु अचलिय-सत्त-परक्कमाणं तेसिं अच्चंतं परलोग-भीरूणं विरयकूड-कवडालियाणं पडिवण्ण-जहोवइट्ठ-दाणाइ-चउक्खंध-उवासग-धम्माणं अपिसुणाऽमच्छरीणं अमायावीणं किं बहुणा ? गोयमा ! ते उवासगा णं आवसहं गुणरयणाणं पभवा, खंतीए निवासे सुयण-मेत्तीणं । एवं तेसिं-बहु-वासर-वण्णणिज्ज-गुण-रयणाणं पि जाहे असुह-कम्मोदएणं ण पहुप्पए संपया ताहे ण पहुप्पंति अट्ठाहिया-महिमादओ इट्ठदेवयाणं जहिच्छिए° पूया-सक्कारे साहम्मिय-सम्माणे बंधुयण-संववहारे य । अह अण्णया अचलंतेसुं अतिहि-सक्कारेसुं अपूरिज्जमाणेसुं पणइयण-मणोरहेसुं, विहडंतेसु य सुहिसयणमित्त बंधव-कलत्त-पुत्त-णत्तुयगणेसुं, विसायमुवगएहिं गोयमा ! चिंतियं तेहिं सङ्घरोहिं तं जहा
जा विहवो ता पुरिसस्स होइ आणा-वडिच्छओ' लोओ। गलिओदयं घणं विज्जुला वि दूरं परिच्चयइ ॥१॥ एवं २-चिंतिऊणावरोप्परं भणिउमारद्धे४ तत्थ पढमोपुरिसेण माण-धण-वज्जिएण परिहीण भागधिज्जेणं । ते देसा गंतव्वा जत्थ स-वासा ण दीसंति ॥२॥ तहा बीओजस्स धणं तस्स जणो, जस्सत्थो तस्स बंधवा बहवे।
धण-रहिओ हु" मणूसो होइ समो दास-पेसेहिं ॥३॥ अह एवमवरोप्परं संजोज्जेऊण गोयमा ! कयं देसपरिच्चाय-निच्छयं तेहिं ति" । जहा वच्चामो देसंतरं ति । तत्थ णं कयाई पुज्जंति चिर-चिंतिए मणोरहे हवइ य पव्वज्जाए सह संजोगो जइ दिव्वो बहुमण्णेज्जा जावणं उज्झिऊणं तं कमागयं कुसत्थलं । पडिवण्णं विदेसगमणं।
(३) अहण्णया अणुपहेणं गच्छमाणेहिं दिट्ठा तेहिं पंच साहुणो छटुं समणोवासगं ति । तओ भणियं णाइलेण जहा- 'भो सुमती ! भद्दमुह ! पेच्छ, केरिसो साहु सत्थो ? ता एएणं चेव साहु-सत्थेणं गच्छामो, जइ पुणो वि, नूणं गंतव्वं ।' तेण भणियं ‘एवं होउ' त्ति । तओ सम्मिलिया तत्थ सत्थे-जाव णं पयाणगं वहति ताव णं भणिओ सुमती णातिलेणं जहाणं "भद्दमुह ! मए हरिवंस-तिलय-मरगयच्छविणो सुगहिय-नामधेज्जस्स" बावीसइम-तित्थगरस्स णं अरिठ्ठनेमि नामस्स पाय-मूले सुहनिसन्नेणं एवमवधारियं आसी, जहा, जे एवंविहे अणगार-रूवे भवंति ते य कुसीले, जे य कुसीले ते दिट्ठीए वि निरक्खिउं ण कप्पंति । ता एते
१ से गंभ आ. सु. । २ कायव्वा आसी जीए अ एयारिसे आ. सु. । ३ क्खणे व आ. सु. । ४ सुसुणि 5. । ५ यजीवादि १ खं, सं. ला. । ६ परक्कमे एवं आ. सु. ला, । ७ रवंताणं खं. । ८ 'सहागु आ. सु. सं. । ९ या महया महि आ. सु.। १० जहट्ठिए . शु. । ११ आणापडि आ. सु. । १२ एवं विचिंति खं. । १३ ऊण परों आ. सु. सं. ला. । १४ माढत्तो आ. मारद्धा शु.। १५ उ आ. सु. रवं. सं.। १६ प्परं संजोज्जेइ, संजो आ.। १७ तेहिं जहा- शु.। १८ नाइले आ. सु. खं. सं. ला. । १९ धेज्जा वा आ. सु.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |