Page Text
________________
महानिसीह-सुय-खंधं ०३
एसणादोसासंकिय-मक्खिय-निक्खित्त-पिहिय-साहरिय-दायगुम्मीसे
अपरिणय-लित्त-छड्डिय एसण' दोसा दस हवंति॥१३०॥ . [पिं. नि. ५२०] तत्थुग्गमदोसे गिहत्थ-समुत्थे, उप्पायणा दोसे साहुसमुत्थे, एसणादोसे उभय-समुत्थे । १ संजोयणा २ पमाणे ३ इंगाले ४ धूम ५ कारणे पंचमंडलीय दोसे भवंति । तत्थ संजोयणा-उवगरण भत्तपाण-सब्भंतर-बहि-भेएणं पमाणं।
बत्तीसं किर-कवले आहारो कुच्छि-पूरओ भणिओ। रागेण सइंगालं, दोसेण, सधूमगं ति णायव्वं ॥१३१।।
[पिंड नि. ६४२] कारणंवेयण-वेयावच्चे इरिय-ट्टाए य संजम-ट्ठाए। तह पाण-वत्तियाए छठे पुण धम्म-चिंताए ॥१३२।। नत्थि छुहाए सरिसिया वियणा, भुंजेज्ज तप्पसमणट्ठा । छाओ यावच्चं ण तरइ काउं, अओ भुंजे ॥१३३।। इरियं पि न सोहिस्सं पेहाईयं च संजमं काउं। थामो वा परिहायइ गुणणऽणुपेहासु य असत्तो ॥१३४।।
[पिंडनि. ६६२-६६४] पिंडविसोही गया।
इयाणिं समितीओ पंच । तं जहाइरिया-समिती, २ भासा-समिई, ३ एसणा-समिई, ४ आयाण' भंड-मत्त-निक्खेवणा-समिती, ५ उच्चार-पास-वण-खेल-सिंघाण-जल्ल-पारिट्ठावणिया-समिती। तहा गुत्तीओ तिन्नि-मण-गुत्ती, वइ-गुत्ती', काय-गुत्ती,
तहा भावणाओ दुवालस । तं जहा १ अणिच्चत्त-भावणा, २ असरणत्त-भावणा, ३ एगत्त-भावणा, ४ अण्णत्त-भावणा, ५ असुइ-भावणा, ६ विचित्त-संसार-भावणा, ७ कम्मासव-भावणा, ८ संवर-भावणा, ९ विनिज्जरा-भावणा, १० लोगवित्थरभावणा, ११ 'धम्मं सुयक्खायं सुपण्णत्तं तित्थयरेहिं ति भावणा, तत्तचिंता भावणा, १२ ‘बोहि-सुदुल्लभा-जम्मंतर-कोडीहिं वि' त्ति भावणा । एवमादि-थाणंतरेसुं जे पमायं कुज्जा, से णं चारित्त-कुसीले नेए। __ तहा तव-कुसीले दुविहे जेए-बज्झ-तव-कुसीले, अम्भिंतरतवकुसीले य । तत्थ जे केई विचित्तअणसण-ऊणोदरिया-वित्ती-संखेवण-रस-परिच्चाय-कायकिलेस-संलीणयाए त्ति छट्ठाणेसुं न उज्जमेज्जा, से णं बज्झ-तव-कुसीले। तहा जे केइ विचित्तपच्छित्त-विणय-वेयावच्च-सज्झाय-झाण-उसग्गम्मि चेएसुंछट्ठाणेसुं ण उज्जमेज्जा, से णं अन्भिंतर-तव-कुसीले। ___तहा पडिमाओ बारस । तं जहा मासादी सत्तंता ७, एग-ति-सत्तराइ दिणा ३ अहराति, ११ एगराती, १२ भिक्खू पडिमाणं बारसगं।
तहा अभिग्गहा-दव्वओ, खेत्तओ, कालओ भावओ । तत्थ दव्वे कुम्मासाइयं दव्वं गहेयव्वं, खेत्तओ गामे बहिं वा गामस्स, कालओ पढमपोरिसिमाईसु, भावओ कोहमाइसंपन्नो 'जं देहि इमं गहिस्सामि' । एवं उत्तर-गुणा संखेवओ सम्मत्ता । सम्मत्तो य संखेवेणं चरित्तायारो । तवायारो वि संखेवेणेहंतर-गओ
१"णाय दो आ. सु. ला. । २ आदाण आ. सु. । ३ वयगु आ. सु. खं. सं. ला. | ४ विचित्त भा" । ५ उस्सग आ. सु. खं. ला.।
६ तिन्नि अहं आ। ७ हि तंग आ सु.। Jain Education International For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |