Page Text
________________
महानिसीह-सुय-खंधं
अच्चत्थं मउक्कडत्ताए' रागेणं संधुक्किज्जमाणी कामग्गिए' संपलित्ता सहावओ चेव विसएहिं बाहिज्जई' । (३) तओ सव्व-पयारेहिंणं सव्वत्थियं अच्चत्थं मउक्कडत्ताए रागेणं संधुक्किज्जमाणी कामग्गीए संपलित्ता सहावओ चेव विसएहिं बाहिज्जमाणी, अणुसमयं सव्व-दिसि-विदिसासु णं सव्वत्थ विसए पत्थेज्जा (४) जावं णं सव्वत्थ-विसए पत्थेज्जा, ताव णं सव्व-पयारेहिं णं सव्वत्थ सव्वहा पुरिसं संकप्पिज्जा, (५) जाव णं पुरिसं संकप्पेज्जा, ताव णं सोइंदियोवओगत्ताए, चक्खुरिदिओवओगत्ताए रसणिंदिओवओगत्ताए, घाणिंदिओवओगत्ताए, फासिंदिओवओगत्ताए। जत्थ णं केइ पुरीसे (६) कंत-रूवे इ वा, अकंत-रुवे इ वा, पडुप्पण्णजोव्वणे इ वा, अपडुप्पण्ण-जोव्वणे इ वा, गय-जोव्वणे इ वा, दिट्ठ-पुव्वे इ वा, अदिट्ठ-पुव्वे इ वा, इड्डिमंते इ वा, अणिद्धिमंते इ वा, इड्डिपत्ते इ वा, अणिड्डी पत्ते इ वा, विसयाउरे इ वा, निविण्ण-काम भोगे इ वा, उद्धय-बोंदीए इ वा, अणुद्धयबोंदीए इ वा, महासत्ते इ वा, हीण-सत्ते, इ वा महा-पुरिसे इ वा, कापुरिसे इ वा, समणे इ वा, माहणे इ वा, अण्णयरे इ वा, निंदियाहम-हीण-जाईए वा, (७) तत्थ णं इहा पोह-वीमंसं पउंजित्ताणं, जाव णं संजोग-संपत्तिं झाएज्जा (८) जाव णं संजोग-संपत्तिं परिकप्पे', ताव णं से चित्ते संखुद्दे भवेज्जा (९) जाव णं से चित्ते संखुद्दे भवेज्जा, ताव णं से चित्ते विसंवएज्जा (१०) जाव णं से चित्ते विसंवएज्जा, ताव णं से देहे मएणं अद्धासेज्जा (११) जाव णं से देहे मएणं अद्धासेज्जा, ताव णं से दरविदरे इह-परलोगावाए पम्हुसेज्जा, (१२) जाव णं से दर-विदरे इह-परलोगावाए पम्हुसेज्जा, ताव णं चिच्चा लज्जं भयं अयसं अकित्तिं मेरं, उच्च-ठाणाओ णीय-ट्ठाणं ठाएज्जा, (१३) जावणं उच्च-ठाणाओ नीय-ट्ठाणं ठाएज्जा, ताव णं वच्चेज्जा असंखेयाओ३ समयावलियाओ (१४) जाव णं णीइंति" असंखेज्जाओ समयावलियाओ. ताव णं जं पढम "समयाओ कम्मद्विई१६ तं बीयसमयं पडच्चा१७. तइया दियाणं समयाणं संखेज" असंखेजे अणंतं वा अणुक्कमसो कम्मठिइं संचिणिज्जा (१५) जाव णं अणुकमसो अणंतं कम्मठिइं संचिणइ ताव णं असंखेज्जाइं अवसप्पिणी-ओसप्पिणी-कोडिलक्खाइं जावएणं कालेणं परिवत्तंति, तावइयं कालं दोसुं चेव निरयतिरिच्छासुं गतीसुं उक्कोस-द्वितीयं कम्मं आसंकलेज्जा । (१६) जाव णं उक्कोसहितीयं कम्ममासंकलेज्जा ताव णं से विवण्ण-जुई विवण्ण-कंतिं वियलिय°-लावण्ण-सिरीयं निन्नट्ठदित्ति-तेयं बोंदी भवेज्जा (१७) जाव णं चुय-कंति- लावण्ण-सिरियं णित्तेय-बोंदी भवेज्जा, ताव णं से सीएज्जा फरिसिदिए। जाव णं सीएज्जा फरिसिदिए ताव णं सव्वट्ठा' विवड्वेज्जा सव्वत्थ चक्खुरागे। (१८) जाव णं सव्वत्थ विवड्वेज्जा चक्खुरागे, ताव णं रागारुणे नयण-जुयले भवेज्जा (१९) जाव णं रागारुणे य णयणजुयले भवेज्जा, ताव णं रागंधत्ताए, ण गणेज्जा सुमहंत-गुरु-दोसे वयभंगे, न गणेज्जा सुमहंत-गुरु दोसे नियम-भंगे, न गणेज्जा सुमहंत-घोर-पाव-कम्म-समायरणं सील-खंडणं, न गणेज्जा सुमहंत-सव्व-गुरु-पाव-कम्म-समायरणं संजमविराहणं (२०) न गणेज्जा घोरंधयारं परलोग-दुक्खभयं, न गणेज्जा आयई, न गणेज्जा सकम्म-गुणट्ठाणगं, न गणेज्जा ससुरासुरस्सा वि णं जगस्स अलंघणिज्जं आणं, न गणेज्जा अणंतहुत्तो चुलसीइजोणिलक्ख-परिवत्त-गब्भ-परंपरं, अलद्धणिमि- सद्ध-सोक्खं, चउगइ-संसार-दुक्खं । (२१) ण पासिज्जा, जं पासणिज्जं, ण पासिज्जा, जं अपासणिज्जं, सव्व-जण-समूह-मज्झ-सन्निविटुट्ठियाणिवण्णचक्कमिय-निरिक्खिज्जमाणी वा दिप्पंत-किरण-जाल-दस- दीसी-पयासिय-तवंत-तेयरासी-सूरिए वि तहा वि णं पासेज्जा सुण्णंधयारे सव्वे दिसा भाए (२२) जाव णं रागंधत्ताए न गणेज्जा सुमहल्लगुरु-दोसे वय-भंगे
१ अच्चंतं ला. । २ मउक्क. रवं. सं. । ३ कामग्गीए रवं. ला. सं. । ४ सव्वत्था पु. ला.; सव्वहा वि पु. रवं.। ५ पुरिसे रवं. २ । ६ याहमाहीणं रवं. २ । ७ परिकप्पेज्जा सं. । ८ "कप्पेज्जा ता. रवं. २ । ९-१० हे सेए. ला. । ११ पच्चूसिज्जा सं. । १२ पच्चूसि. सं । १३ असंखेन्जा. ला. खं. २; अन्भंखे. सं रवं । १४ निजंति रवं. २ निज्जति खं. २ / नीयंति रवं ? ला. सं। १५ सम समया. रवं. १. ला. । १६ "ट्ठिइयं रवं. २ ला/ ट्ठियई । १७ "डुच्च रवं. २ । १८ संखज्जं असंखेज्ज रवं. २ । १९ °प्पिणी कोडिल. ला. सं। २० विचलिय वं ला.। २१ सम्बहा रवं. ला.। २२ समवसरणं सं. ।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |