________________
महानिसीह-सुय-खंध
ता मह किलेसमुत्तिणं सुहियं से अत्ताणयं । मण्णंतो पमुइओ हिट्ठो सत्थचित्तो वि चिट्ठई ॥४६|| चिंतइ किल “निव्वुओमि अहं निद्दलियं दुक्खं पि मे। कंडुयणादीहिं सयमेव “ण मुणे एवं जहा" मए ॥४७॥ रोद्दज्झाणगएण इहं अट्टज्झाणे तहेव य । संवग्गइत्ता उ तं दुक्खं अणंताणंतगुणं कडं ॥४८॥ जं चाणुसमयमणवरयं जहा राई तहा दिणं । दुहमेवाणुभवमाणस्स वीसामो नो भवेज्जमो ॥४९।। खणं पि नरय-तिरिएसु सागरोवम-संखया। रस-रस-विलिज्जए हिययं जं चायण्णं ताण' वि ॥५०॥ अहवा किं कुंथु-जणियाओ मुक्को सो दुक्ख-संकडा। खीणट्ठ-कम्म-परीणामो भवेज्जे जणुमेत्तेणेव उ ॥५१॥
कुंथुमुवलक्खणं इहई सव्व पच्चक्ख-दुक्खदं । अणुभवमाणो वि जं पाणी ण याणंती तेण वक्खई ॥५२॥ अण्णे वि उ गुरुयरे दुक्खे सव्वेसिं संसारिणं । सामण्णे गोयमा! ता किं तस्स तेणोदए गए ॥५३।। "हण मर" जं अण्णजम्मेसुं वाया वि उ केइ भाणिरे। तमवीह जं फलं देज्जा पावं कम्मं पवुज्झयं ॥५४|| तस्सुदया बहुभवग्गहणे जत्थ जत्थोववज्जती । तत्थ तत्थ स हम्मंतो मारिज्जंतो भमे सया ॥५५।।। जेण पुण अंगुवंर्ग वा अखिं कण्णं च णासियं । कडि-अट्ठि-पट्ठिभंग वा कीड-पयंगाइ-पाणिणं ॥५६॥ कयं वा कारियं वा वि कज्जंतं वाऽह अणुमयं । तस्सुदया चक्कनालिवहे पीलीही सो तिले जहा ॥५७।। ण एक णो दुवे तिन्निं वीसं तीसं न यावि य । संखेजे वा भवग्गहणे लभते दुक्ख-परंपरं ॥५८॥ असुय-मुसा-अनिट्ठ-वयणं जं पमाय-अण्णाण-दोसओ। कंदप्प-नाहवाएणं अभिनिवेसेण वा पुरो (णो) ॥५९।। भणियं भणावियं वा वि भण्णमाणं च अणुमयं । कोहो लोहा भया हासा तस्सुदया एयं भवे ॥६०॥ मूगो पूति'-मुहो मुक्खो कल्लविलल्लो भवे-भवे । विहल २-वाणी सुयड्डो वि सव्वत्थऽब्भक्खणे३ लभे ॥६१।।
१ "मनुवरं ला। २ जो वसे ज्ज ला.। ३ वा र इच्छंताण रवं. र ला. वा इत्थंतत्ताण सं. । ४ सरिस्सामो भवेज्जजणु वं. २ । ५ सव्वं पच्चक्खं दुक्ख । ६ पाणी यणं वं. । ७ मर हं जम्मजम्में आ. । ८ ज्जई रवं. २ सं. ला. / ज्जइ रवं. १ । ९ अंगुवंगा सं. / अंगउवंगं रवं. २।१० इक रवं. २।११ पूइ मुहो रवं. २ ला.। १२ वियल वं । १३ क्खणं रवं.र।
Jain Education International
For Private & Personal Use Only
www.jainelibrary.org
