________________
चरिदिय-नेरइय-तिरिक्खजोणिय पण्णवणा ।
[ सुताई ५९-१४७, पंचिदियजीवपण्णवणा ] ५९. से किं तं पंचिंदियसंसारसमावण्णजीवपण्णवणा ? पंचिंदियसंसारसमावण्णजीवपण्णवणा चउव्विहा पण्णत्ता । तं जहा - नेरइयपंचिंदियसंसारसमावण्णजीवपण्णत्रणा १ तिरिक्खजोणियपंचिंदियसंसारसमावण्णजीवपण्णवणा २ मणुस्सपंचिंदियसंसारसमावण्णजीवपण्णवणा ३ देवपंचिंदियसंसारसमावण्णजीव - ५
६३ ]
पण्णवणा ४ ।
[सुतं ६०, नेरइयजीवपण्णवणा ]
६०. से किं तं नेरइया १ नेरइया सत्तविहा पण्णत्ता । तं जहा - रयणप्पभापुढविनेरइया १ सक्करप्पभापुढविनेरइया २ वालुयप्पभापुढविनेरइया ३ पंकप्पभापुढविनेरइया ४ धूमप्पभापुढविनेरइया ५ तमप्पभापुढविनेरइया ६ १० तमतमप्पभापुढविनेरइया ७ । ते समासतो दुविहा पण्णत्ता । तं जहा - पज्जत्तगा य अपज्जत्तगा य । से त्तं नेरइया
[ सुत्ताई ६१ - ९१. तिरिक्खजोणियजीव पण्णवणा ]
६१. से किं तं पंचिंदियतिरिक्खजोणिया १ पंचिंदियतिरिक्खजोणिया तिविहा पण्णत्ता । तं जहा - जलयरपंचिंदियतिरिक्खजोणिया १ थलयरपंचिंदिय- १५ तिरिक्खजोणिया २ खहयरपंचेंदियतिरिक्खजोणिया ३ ।
६२. से किं तं जलयरपंचिंदियतिरिक्खजोणिया ? जलयरपंचिंदियतिरिक्खजोणिया पंचविहा पण्णत्ता । तं जहा-मच्छा १ कच्छहा २ गाहा ३ मगरा ४ सुंसुंमारा ५ ।
२९
६३. से किं तं मच्छा ? मच्छा अणेगविहा पण्णत्ता । तं जहा - सण्हमच्छा २० खवल्लमच्छा जुँगमच्छा विज्झिडियमच्छा हॅलिमच्छा मँग्गरिमच्छा रोहियँमच्छा हलीसागरा गागरा वडा वडग तिमी तिमिंगिलों णक्का तंदुलमच्छीं कणिक्कामच्छा
१. तमतमापुढवी प्र० ॥ २. सिंसुमारा जे० । सुसुमारा मु० ॥ ३. जुंगमच्छा मु०॥ ४. विभिडि° म० प्र० जीटी० । विज्झडि मु० ॥ ५. हलिद्दमच्छा म० । हेलियमच्छा जीटी० ॥ ६. मगरि पु२ मु० ॥ ७. लोहिय°म० ॥ ८. रा गब्भगा ज्झसगारा तिमी पु२ । 'रा गब्भया उसगारा तिमी मुद्रिते । 'रा तिमितिमंगिलमच्छा तंदुल प्र० ॥ ९. तिमंगिला म० ॥ १०. च्छा सलिच्छियामच्छा लेमूलमच्छा पडागाति' जे० ||
Jain Education International
For Private & Personal Use Only
www.jainelibrary.org
