________________
पण्णवणासुत्ते पढमे पण्णवणापए
[सु. ४२वि तया वि साला वि पवाला वि । पत्ता पत्तेयजीविया । पुप्फा अणेगजीविया । फला बहुबीया । से तं बहुबीयगा । से तं रुक्खा।
४२. से किं तं गुच्छा ? गुच्छा अणेगविहा पण्णत्ता । तं जहा
वाइंगण सल्लइ बोंडई य तह कच्छुरी य जासुमणा। रूवी आढइ नीली तुलसी तह माउलिंगी य ॥ १९ ॥ कत्थंभरि पिप्पलिया अतसी बिल्ली य कायमाई या । चुचु पडोला कंदलि बाउचा वत्थुले बदरे ॥ २० ॥ पत्तउर सीयउरए हवति तहा जवसए य बोधव्वे । णिग्गुंडि अक्क तूवरि आंढई चेव तलऊडा ॥ २१ ॥ सण वीण कास मद्दग अगघाडग साम सिंदुवारे य । करमद्द अद्दरूसग करीर एरावण महित्थे ॥ २२ ॥ जाउलग माल परिली गयमारिणि कुच कारिया भंडी ।
जावइ केयइ तह गंज पाडला दासि अंकोल्ले ॥ २३ ॥ जे यावऽण्णे तहप्पगारा । से तं गुच्छौँ ।
४३. से किं तं गुम्मा ? गुम्मा अणेगविहा पण्णत्ता । तं जहा
सेरियए णोमालिय कोरंटय बंधुजीवग मणोजे । पीईय पाण कॅणइर कुन्जय तह सिंदुवारे य ॥ २४ ॥ जाई मोग्गर तह जूहिया य तह मल्लिया य वासंती। वत्थुल केच्छुल सेवाल गंठि मगदंतिया चेव ॥ २५॥ चंपगजाती णवणीइया य कुंदो तहा महाजाई।
एवमणेगागारा हवंति गुम्मा मुणेयव्वा ॥ २६ ॥ से तं गुम्मा ।
१. बहुबीयगा मु० ॥ २-३. गच्छा जे. ध०॥ ४. गणि मु० ॥ ५. धुंडई मु० ॥ ६. कुत्थंभरि ध० पु२ । कुच्छंभरि म० प्र० । कच्छुभरि मु० ॥ ७. चल्ली जे० म० पु२ ॥ ८. चुन्नपडोला कंदलि ध० म० प्र०। चुच्चू पडोलकंदे मु० ॥ ९. अट्टइ जे० ध०॥ १०. पाण कास मुद्दग अग्घाडग म. प्र. मु० पु२॥ ११. करमद्दियऽहरूसग ध० । करमद्द अद्दडूसग मु०॥ १२. महत्थे ध० प्र०॥ १३. जाउल तमाल परिली ध० पु२॥ १४ गच्छा जे. ध०॥ १५. सेणियए पु२ । सेणयए मु०॥ १६. णेमालिय पु२ । गोमालिय प्र.॥ १७. कोरिंटे पु२॥ १८. कणयर पु२ ॥ ११. कत्थुल म. प्र. मु०॥ २०. °णीतया ध०॥
Jain Education International
For Private & Personal Use Only
www.jainelibrary.org
