________________
३४. चउतीसइमं पवियारणापयं [सुत्तं २०३२. चउतीसइमपयस्स अत्थाहिगारपरूवणं] २०३२. अणंतरायआहारे १ आहाराभोगणाइ य २।
पोग्गला नेव जाणंति ३ अज्झवसाणा य आहिया ४ ॥२२३॥ सम्मत्तस्स अभिगमे ५ तत्तो परियारणा य बोद्धव्वा ६। ५
काए फासे रूवे सद्दे य मणे य अप्पबहुं ॥ २२४॥ [सुत्ताई २०३३-३७. चउवीसदंडएसु १ अणंतराहारदारं]
२०३३. जेरइया णं भंते ! अणंतराहारा तओ निव्वत्तणया ततो परियाइयणया ततो परिणामणया ततो परियारणया ततो पच्छा विउवणया ? हंता गोयमा ! णेरइया णं अणंतराहारा तओ निव्वत्तणया ततो परियादियणता तओ १० परिणामणया तओ परियारणया तओ पच्छा विउव्वणया।।
२०३४. [१] असुरकुमारा णं भंते ! अणंतराहारा तओ णिव्वत्तणया तओ परियाँइयणया तओ परिणामणया तओ विउव्वणया तओ पच्छा परियारणया? हंता गोयमा! असुरकुमारा अणंतराहारा तओ णिव्वत्तणया जाव तओ पच्छा परियारणया।
[२] एवं जाव थणियकुमारा।
२०३५. पुढविक्काइया णं भंते ! अणंतराहारा तओ णिवत्तणया तओ परियांइयणया तओ परिणामणया य तओ परियारणया ततो विउव्वणया ? हंता गोयमा ! तं चेव जाव परियारणया, णो चेव णं विउव्वणया।
२०३६. एवं जाव चउरिंदिया। णवरं वाउक्काइया पंचेंदियतिरिक्खजोणिया मणुस्सा य जहा णेरइया (सु. २०३३)।
२०३७. वाणमंतर-जोतिसिय-वेमाणिया जहा असुरकुमारा (सु.२०३४)। [सुत्ताई २०३८-३९. चउवीसदंडएसु २ आहाराभोगणादारं]
२०३८. णेरइयाणं भंते ! आहारे किं आभोगणिव्वत्तिए अणाभोगणिव्वत्तिए ? गोयमा ! आभोगणिव्वत्तिए वि अणाभोगणिव्वत्तिए वि ।
२०
१. तरगयाहारे जे० विना ॥ २-४. परियायणया पुर। परियाइणया मु०॥ ५. परियाइणया पु२ मु०॥
Jain Education International
For Private & Personal Use Only
www.jainelibrary.org
