________________
२८. अट्ठावीसइमं आहारपयं
पढमो उद्देसओ [सुत्तं १७९३. पढमुद्देसस्स अत्थाहिगारपरूवणं] १७९३. सच्चित्ता१ऽऽहारट्ठी २ केवति ३ किं वा वि ४
___सबओ चेव ५। कतिभागं ६ सव्वे खलु ७ परिणामे चेव ८ बोधव्वे ॥ २१७ ॥ एगिदिसरीरादी ९ लोमाहारे १० तहेव मणभक्खी ११ । एतेसिं तु पयाणं विभावणा होइ कायव्वा ॥ २१८ ॥
[सुत्तं १७९४. चउवीसदंडएसु १ सचित्ताहारदारं]
१७९४. [१] णेरइया णं भंते ! किं सचित्ताहारा अचित्ताहारा मीसाहारा ? गोयमा ! णो सचित्ताहारा, अचित्ताहारा, णो मीसाहारा ।
[२] एवं असुरकुमारा जाव वेमाणिया।
[३] ओरालियसरीरी जाव मणूसा सचित्ताहारा वि अचित्ताहारा वि मीसाहारा वि। १५ [सुत्ताई १७९५-१८०५. नेरइएसु २-८ आहारद्विआइदारसत्तगं]
१७९५. णेरइया णं भंते ! आहारट्ठी ? हंता गोयमा ! आहारट्ठी ।
१७९६. णेरइयाणं भंते ! केवतिकालस्स आहारट्टे समुप्पज्जति ? गोयमा ! णेरइयाणं आहारे दुविहे पण्णते, तं जहा-आभोगणिव्वत्तिए य अणाभोगणिव्वत्तिए य। तत्थ णं जे से अणाभोगणिव्वत्तिए से णं अणुसमयमविरहिए आहारढे समुप्पज्जति । तत्थ णं जे से आभोगणिव्वत्तिए से णं असंखेन्जसमइए अंतोमुहुत्तिए आहारढे समुप्पज्जति ।
१७९७. णेरइया णं भंते ! किमाहारमाहारेंति ? गोयमा ! दवओ अणंतपदेसियाई, खेत्तओ असंखेजपदेसोगाढाई, कालतो अण्णतैरठितियाई, भावओ वण्णमंताई गंधमंताई रसमंताई फासमंताई।
१. सरीरा म० पु२ मु० ॥ २. °तरकालठिति° जे० पु२॥
Jain Education International
For Private & Personal Use Only
www.jainelibrary.org
