________________
२६. छब्बीसइमं कम्मवेयबंधपयं [सुत्ताई १७७५-८१. णाणावरणिज्जवेदएसु जीवाईसु कम्मपयडिबंधपरूवणं]
१७७५. [१] कति णं भंते ! कम्मपगडीओ पण्णताओ १ गोयमा ! अट्ठ कम्मपगडीओ पण्णत्ताओ। तं जहा–णाणावरणिज्जं जाव अंतराइयं ।
[२] एवं णेरइयाणं जाव वेमाणियाणं ।
१७७६. जीवे णं भंते ! णाणावरणिजं कम्मं वेदेमाणे कति कम्मपगडीओ बंधति? गोयमा! सत्तविहबंधए वा अट्ठविहबंधए वा छविहबंधए वा एगविहबंधए वा।
१७७७. [१] णेरइए णं भंते ! णाणावरणिकं कम्मं वेदेमाणे कति कम्मपगडीओ बंधति ? गोयमा ! सत्तविहबंधए वा अट्टविहबंधए वा।
[२] एवं जाव वेमाणिए। [णवरं] मणूसे जहा जीवे (सु. १७७६)। १०
१७७८. जीवा णं भंते ! णाणावरणिज कम्मं वेदेमाणा कति कम्मपगडीओ बंधति ? गोयमा! सव्वे वि ताव होज्जा सत्तविहबंधगा य अट्टविहबंधगा य १ अहवा सत्तविहबंधगा य अट्ठविहबंधगा य छव्विहबंधए य २ अहवा सत्तविहबंधगा य अट्ठविहबंधगा य छव्विहबंधगा य ३ अहवा सत्तविहबंधगा य अट्ठविहबंधगा य एगविहबंधगे य ४ अहवा सत्तविहबंधगा य अट्ठविहबंधगा य १५ एगविहबंधगा य ५ अहवा सत्तविहबंधगा य अट्ठविहबंधगा य छव्विहबंधए य एगविहबंधए य ६ अहवा सत्तविहबंधगा य अट्ठविहबंधगा य ए छविहबंधए य एगविहबंधगा य ७ अहवा सत्तविहबंधगा य अट्टविहबंधगा य छव्विहबंधगा य एगविहबंधए य ८ अहवा सत्तविहबंधगा य अट्ठविहबंधगा य छव्विहबंधगा य एगविहबंधगा य ९, एवं एते नव भंगा।
२० १७७९. अवसेसाणं एगिदिय-मणूसवजाणं तियभंगो जाव वेमाणियाणं । १७८०. एगिदिया णं सत्तविहबंधगा य अट्टविहबंधगा य ।
१७८१. मणूसाणं पुच्छा। गोयमा ! सव्वे वि ताव होज्जा सत्तविहबंधगा १ अहवा सत्तविहबंधगा य अट्ठविहबंधगे य २ अहवा सत्तविहबंधगा य अट्ठविहबंधगा य ३ अहवा सत्तविहबंधगा य छव्विहबंधए य, एवं छविहबंधएण २५ वि समं दो भंगा ५ एगविहबंधएण वि समं दो भंगा ७ अहवा सत्तविहबंधगा य अट्ठविहबंधए य छविहबंधए य चउभंगो ११ अहवा सत्तविहबंधगा य १. वेदमाणे पु२, एवमन्यत्रापि ॥ २. वेदमाणा पुर, एवमन्यत्रापि ॥
Jain Education International
For Private & Personal Use Only
www.jainelibrary.org
