________________
३५२
पण्णवणासुत्ते बावीसइमे किरियापए [सु. १५८१ - [सुत्ताई १५८१-८४. जीवाईसु किरियाहेऊहिं कम्मपगडिबंधपरूवणं]
१५८१. [१] जीवे णं भंते ! पाणाइवाएणं कति कम्मपगडीओ बंधति ? गोयमा ! सत्तविहबंधए वा अट्टविहबंधए वा । - [२] एवं णेरइए जाव णिरंतरं वेमाणिए ।
१५८२. जीवा णं भंते ! पाणाइवाएणं कति कम्मपगडीओ बंधंति ? गोयमा ! सत्तविहबंधगा वि अट्ठविहबंधगा वि ।
१५८३. [१] णेरइया णं भंते ! पाणाइवाएणं कति कम्मपगडीओ बंधंति ? गोयमा ! सबे वि ताव होजा सत्तविहबंधगा, अहवा सत्तविहबंधगा य अट्टविहबंधगे य, अहवा सत्तविहबंधगा य अट्टविहबंधगा य।
[२] एवं असुरकुमारा वि जाव थणियकुमारा।
[३] पुढवि-आउ-तेउ-वाउ-वणप्फइकाइया य, एते सव्वे वि जहा ओहिया जीवा (सु. १५८२)।
[४] अवसेसा जहा णेरइया ।
१५८४. [१] एवं एते जीवेगिंदियवजा तिण्णि तिण्णि भंगा सव्वत्थ १५ भाणियव्व त्ति जाव मिच्छादसणसल्लेणं ।
[२] एवं एगत्त-पोहत्तिया छत्तीसं दंडगा होति । [सुत्ताई १५८५-८७. जीवाईसु कम्मबंधमहिकिच्च किरियापरूवणं]
१५८५. [१] जीवे णं भंते ! णाणावरणिजं कम्मं बंधमाणे कतिकिरिए ? गोयमा ! सिय तिकिरिए सिय चउकिरिए सिय पंचकिरिए।
[२] एवं णेरइए जाव वेमाणिए।
१५८६. F१] जीवा णं भंते ! णाणावरणिनं कम्मं बंधमाणा कतिकिरिया ? गोयमा ! तिकिरिया वि चउकिरिया वि पंचकिरिया वि।
[२] एवं णेरइया निरंतरं जाव वेमाणिया।
१५८७. [१] एवं दरिसणावरणिजं वेयणिजं मोहणिज्ज आउयं णामं २५ गोयं अंतराइयं च अट्टविहकम्मपगडीओ भाणियव्वाओ।
[२] एगत्त-पोहत्तिया सोलस दंडगा।
१. जाणि जे० ॥ २. °वरणीयं वे पु२॥ ३. भट्ट वि करम प्र०॥
Jain Education International
For Private & Personal Use Only
www.jainelibrary.org
