________________
२१. एगवीसइमं ओगाहणसंठाणपयं [सुत्तं १४७४. एगवीसइमपयस्स अत्थाहिगारपरूवणं] १४७४. विहि १ संठाण २ पाणं ३
पोग्गलचिणणा ४ सरीरसंजोगो ५। दव्व-पएसष्पबहुं ६ सरीरओगाहणप्पबहुं ७॥ २१४॥ ५ [सुत्ताई १४७५-१५५२. १-३ विहि-संठाण-पमाणदाराइं]
१४७५. कति णं भंते ! सरीरया पण्णत्ता १ गोयमा ! पंच सरीरया पण्णत्ता। तं जहा-ओरालिए १ वेउविए २ आहारए ३ तेयए ४ कम्मए ५।
[सुत्ताई १४७६-८७. ओरालियसरीरे विहिदारं]
१४७६. ओरालियसरीरे णं भंते ! कतिविहे पण्णत्ते ? गोयमा ! पंचविहे १० पण्णत्ते । तं जहा-एगिदियओरालियसरीरे जाव पंचेंदियओरालियसरीरे ।
१४७७, एगिदियओरालियसरीरे णं भंते ! कतिविहे पण्णत्ते? गोयमा ! पंचविहे पण्णत्ते । तं जहा-पुढविक्काइयएगिदियओरालियसरीरे जाव वणप्फइकाइयएगिदियओरालियसरीरे ।
१४७८. [१] पुढविक्काइयएगिदियओरालियसरीरे णं भंते ! कतिविहे १५ पण्णत्ते ? गोयमा ! दुविहे पण्णत्ते । तं जहा-सुहुमपुढविक्काइयएगिदियओरालियसरीरे य बादरपुढविक्काइयएगिदियओरालियसरीरे य।
[२] सुहुमपुढविक्काइयएगिदियओरालियसरीरे णं भंते ! कतिविहे पण्णत्ते ? गोयमा ! दुविहे पण्णत्ते। तं जहा-पजत्तगसुहुमपुढविक्काइयएगिदियओरालियसरीरे य अपज्जत्तगसुहुमपुढविक्काइयएगिंदियओरालियसरीरे य।
[३] बादरपुढविक्काइया वि एवं चेव। १४७९. एवं जाव वणस्सइकाइयएगिदियओरालिय त्ति ।
१४८०. बेइंदियओरालियसरीरे णं भंते ! कतिविहे पण्णत्ते १ गोयमा ! दुविहे पण्णत्ते । तं जहा–पजत्तबेइंदियओरालियसरीरे य अपज्जत्तबेइंदियओरालियसरीरे य।
. २०
१. पमागे हारिवृत्ति-मलयवृत्तिगतसूत्रपाठावतरणे, हारिवृत्तिप्रत्यन्तरे पुनः पमाणं इति पाठोऽप्युपलभ्यते ॥
Jain Education International
For Private & Personal Use Only
www.
www.jainelibrary.org
