________________
३२०
पण्णवणासुत्ते वीसइमे अंतकिरियापए [सु. १४१११४११. असुरकुमारा जाव थणियकुमारा पुढवि-आउ-वणस्सइकाइया य अणंतरागया वि अंतकिरियं करेंति, परंपरागया वि अंतकिरियं करेंति ।
१४१२. तेउ-वाउ-बेइंदिय-तेइंदिय-चउरिंदिया णो अणंतरागया अंतकिरियं पकरेंति, परंपरागया अंतकिरियं पकरेंति।
१४१३. सेसा अणंतरागया वि अंतकिरियं पकरेंति, परंपरागया वि अंतकिरियं पकरेंति । दारं २॥
[सुत्ताई १४१४-१६. तइयं एगसमयदारं] १४१४. [१] अणंतरागया णं भंते ! णेरइया एगसमएणं केवतिया अंतकिरियं पकरेंति ? गोयमा ! जहण्णेणं एक्को वा दो वा तिण्णि वा, १० उक्कोसेणं दस।
[२] रयणप्पभापुढविणेरइया वि एवं चेव जाव वालुयप्पभापुढविणेरइया ।
[३] अणंतरागता णं भंते ! पंकप्पभापुढविणेरइया एगसमएणं केवतिया अंतकिरियं पकरेंति ? गोयमा ! जहण्णेणं एक्को वा दो वा तिण्णि वा, उक्कोसेणं
चत्तारि।
१४१५. [१] अणंतरागया णं भंते ! असुरकुमारा एगसमएणं केवइया अंतकिरियं पकरेंति ? गोयमा ! जहण्णेणं एको वा दो वा तिण्णि वा, उक्कोसेणं दस।
[२] अणंतरागयाओ णं भंते ! असुरकुमारीओ एगसमएणं केवतियाओ अंतकिरियं पकरेंति ? गोयमा ! जहण्णेणं एक्को(का) वा दो वा तिण्णि वा, २० उक्कोसेणं पंच।
[३] एवं जहा असुरकुमारा सदेवीया तहा जाव थणियकुमारा ।
१४१६. [१] अणंतरागया णं भंते ! पुढविक्काइया एगसमएणं केवतिया अंतकिरियं पकरेंति ? गोयमा! जहण्णेणं एक्को वा दो वा तिण्णि वा, उक्कोसेणं चत्तारि।
[२] एवं आउक्काइया वि चत्तारि । वणप्फइकाइया छ। पंचेंदियति२५ रिक्खजोणिया दस । तिरिक्खजोणिणीओ दस । मणूसा दस । मणूसीओ वीसं ।
वाणमंतरा दस। वाणमंतरीओ पंच। जोइसिया दस। जोइसिणीओ वीसं। वेमाणिया अट्ठसतं । वेमाणिणीओ वीसं । दारं ३॥
१. छ च । पंचें म० प्र०॥
Jain Education International
For Private & Personal Use Only
www.jainelibrary.org
