________________
३०१
१२५७]
लेस्साणं परिणमणभावपरूवणं । तत्थ गता उस्सक्वति वा ओसक्कति वा, सेएणडेणं गोयमा ! एवं वुच्चइ णीललेस्सा काउलेस्सं पप्प णो तारूवत्ताए जाव भुज्जो २ परिणमति ।
१२५४. एवं काउलेस्सा तेउलेसं पप्प, तेउलेस्सा पम्हलेस्सं पप्प, पम्हलेस्सा सुक्कलेस्सं पप्प ।
१२५५. से णूणं भंते! सुक्कलेस्सा पम्हलेस्सं पप्प णो तारूवत्ताए जाव ५ परिणमति ? हंता गोयमा ! सुक्कलेस्सा तं चेव । से केणटेणं भंते ! एवं वुच्चति सुक्कलेस्सा जाव णो परिणमति ? गोयमा ! आगारभावमाताए वा जाव सुक्कलेस्सा णं सा, णो खलु सा पम्हलेस्सा, तत्थ गता ओसक्कति, सेएणद्वेणं गोयमा ! एवं वुच्चइ जाव णो परिणमति ।
॥ लेस्सापदे पंचमो उद्देसओ समत्तो ॥
छट्ठो उद्देसओ [सुत्तं १२५६. लेस्साभेयपरूवणं] १२५६. कति णं भंते ! लेस्साओ पण्णत्ताओ ? गोयमा ! छलेसाओ पण्णताओ। तं जहा-कण्हलेस्सा जाव सुक्कलेस्सा।
१५ [सुत्तं १२५७. मणुस्सेसु लेस्सापरूवणं] १२५७. [१] मणूसाणं भंते ! कति लेस्साओ पण्णत्ताओ ? गोयमा ! छल्लेसाओ पण्णत्ताओ । तं जहा-कण्हलेस्सा जाव सुक्कलेस्सा।
[२] मणूसीणं पुच्छा । गोयमा ! छल्लेसाओ पण्णत्ताओ । तं जहाकण्हलेस्सा जाव सुक्कलेस्सा।
२० _ [३] कम्मभूमयमणूसाणं भंते ! कति लेस्साओ पण्णत्ताओ ? गोयमा ! छ। तं जहा–कण्हलेस्सा जाव सुक्कलेस्सा ।
[४] एवं कम्मभूमयमणूसीण वि ।
[५] भरहेरवंयमणूसाणं भंते ! कति लेस्साओ पण्णत्ताओ ? गोयमा ! छ । तं जहा-कण्हलेस्सा जाव सुक्कलेस्सा।
२५
१. °वयस्स मणुस्साणं पु२॥
Jain Education International
For Private & Personal Use Only
www.jainelibrary.org
