SearchBrowseAboutContactDonate
Page Preview
Page 333
Loading...
Download File
Download File
Page Text
________________ २८० पण्णवणासुत्ते सत्तरसमे लेस्सापए बीउद्देसे [सु. ११५९ - ११५९. एगिदियाणं भंते ! कति लेस्साओ पण्णत्ताओ ? गोयमा ! चत्तारि लेस्साओ। तं जहा–कण्हलेस्सा जाव तेउलेस्सा। ११६०. पुढविक्काइयाणं भंते ! कति लेस्साओ ? गोयमा ! एवं चेव । ११६१. आउ-वणप्फतिकाइयाण वि एवं चेव । ११६२. तेउ-बाउ-बेइंदिय-तेइंदिय-चउरिंदियाणं जहा गैरइयाणं (सु. ११५७)। ११६३. [१] पंचेंदियतिरिक्खजोणियाणं पुच्छा । गोयमा ! छलेस्साओ, कण्हलेस्सा जाव सुक्कलेस्सा । [२] सम्मुच्छिमपंचेंदियतिरिक्खजोणियाणं पुच्छा। गोयमा ! जहा १० णेरइयाणं (सु. ११५७)। [३] गब्भवक्कंतियपंचेंदियतिरिक्खजोणियाणं पुच्छा। गोयमा ! छलेसाओ, तं जहा-कण्हलेस्सा जाव सुक्कलेस्सा । [४] तिरिक्खजोणिणीणं पुच्छा । गोयमा ! छल्लेसाओ एताओ चेव । ११६४. [१] मणुस्साणं पुच्छा । गोयमा ! छलेसाओ एताओ चेव । [२] सम्मुच्छिममणुस्साणं पुच्छा । गोयमा ! जहा णेरइयाणं (सु. ११५७)। [३] गम्भवक्कंतियमणूसाणं पुच्छा। गोयमा ! छलेसाओ, तं जहाकण्हलेस्सा जाव सुक्कलेसा । [४] मणुस्सीणं पुच्छा । गोयमा ! एवं चेव । ११६५. [१] देवाणं पुच्छा । गोयमा ! छ एताओ चेव । [२] देवीणं पुच्छा। गोयमा ! चत्तारि । तं जहा–कण्हलेस्सा जाव तेउलेस्सा। ११६६. [१] भवणवासीणं भंते ! देवाणं पुच्छा । गोयमा ! एवं चेव । [२] एवं भवणवासिणीण वि। ११६७. [१] वाणमंतरदेवाणं पुच्छा । गोयमा ! एवं चेव । [२] एवं वाणमंतरीण वि। ११६८. [१] जोइसियाणं पुच्छा । गोयमा ! एगा तेउलेस्सा । [२] एवं जोइसिणीण वि । Jain Education International For Private & Personal Use Only www.jainelibrary.org
SR No.001063
Book TitleAgam 15 Upang 04 Pragnapana Sutra Part 01
Original Sutra AuthorShyamacharya
AuthorPunyavijay, Dalsukh Malvania, Amrutlal Bhojak
PublisherMahavir Jain Vidyalay
Publication Year1969
Total Pages506
LanguagePrakrit
ClassificationBook_Devnagari, Agam, Canon, Metaphysics, & agam_pragyapana
File Size9 MB
Copyright © Jain Education International. All rights reserved. | Privacy Policy