________________
२६८
पण्णवणासुत्ते सोलसमे पओगपए [सु. १०८५
[सुत्तं १०८५. गइप्पवायपरूवणं] १०८५. कतिविहे णं भंते ! गतिप्पवाए पण्णते ? गोयमा ! पंचविहे पण्णत्ते । तं जहा-पओगगती १ ततगती २ बंधणच्छेयणगती ३ उववायगती ४ विहायगती ५। . [सुत्ताई १०८६-८९. पओगगइपरूवणं]
१०८६. से किं तं पओगगती १ पओगगती पण्णरसविहा पण्णता । तं जहा-सचमणप्पओगगती एवं जहा पओगो भणिओ तहा एसा वि भाणियव्वा जाव कम्मगसरीरकायप्पओगगती।
१०८७. जीवाणं भंते ! कतिविहा पओगगती पण्णत्ता ? गोयमा ! १० पण्णरसविहा पण्णत्ता। तं जहा-सच्चमणप्पओगगती जाव कम्मासरीरकायप्पओगगती।
१०८८. णेरइयाणं भंते ! कतिविहा पओगगती पण्णत्ता ? गोयमा ! एक्कारसविहा पण्णत्ता । तं जहा-सच्चमणप्पओगगती एवं उवउजिऊण जस्स जइविहा तस्स ततिविहा भाणितव्वा जाव वेमाणियाणं ।
१०८९. जीवाणं भंते ! किं सच्चमणप्पओगगती जाव कम्मगसरीरकायप्प___ ओगगती ? गोयमा ! जीवा सव्वे वि ताव होज्जा सच्चमणप्पओगगती वि,
एवं तं चेव पुत्ववण्णियं भाणियव्वं, भंगा तहेव जाव वेमाणियाणं । से तं पओगगती।
[सुत्तं १०९०. ततगइपरूवणं] १०९०. से किं तं ततगती? ततगती जेणं जं गाम वा जाव सण्णिवेसं वा संपट्टिते असंपत्ते अंतरापहे वट्टति । से तं ततगती।
[सुत्तं १०९१. बंधणच्छेयणगइपरूवणं] १०९१. से किं तं बंधणच्छेयणगती ? २ जेणं जीवो वा सरीराओ सरीरं वा जीवाओ। से तं बंधणच्छेयणगती।
१. पंचविहे गइप्पवाए पण्णत्ते पु१ पुर पु३॥ २. उववजिऊण पु१ पुर पु३॥ ३. पुन्वभणियं पु१ पु२ पु३॥
Jain Education International
For Private & Personal Use Only
www.jainelibrary.org
www.
