________________
२५१
१०१९] ४-१०. इंदियलद्धिदाराइ दारसत्तगं। घाणिदियस्स उक्कोसिया उवओगद्धा विसेसाहिया, जिभिदियस्स उक्कोसिया उवओगद्धा विसेसाहिया, फासेंदियस्स उक्कोसिया उवओगद्धा विसेसाहिया । ६॥
[सुत्तं १०१४. ७ इंदियओगाहणादारं] १०१४. [१] कतिविहा णं भंते ! इंदियओगाहणा पण्णता ? गोयमा ! पंचविहा इंदियओगाहणा पण्णत्ता। तं जहा-सोइंदियओगाहणा जाव ५ फासेंदियओगाहणा।
[२] एवं रइयाणं जाव वेमाणियाणं । णवरं जस्स जइ इंदिया अस्थि । ७॥
[सुत्तं १०१५. ८ इंदियावायदारं] १०१५. [१] कतिविहे णं भंते ! इंदियअवाए पण्णते ? गोयमा ! १० पंचविहे इंदियअवाये पण्णत्ते । तं जहा-सोइंदियअवाए जाव फासेंदियअवाए।
[२] एवं णेरइयाणं जाव वेमाणियाणं । नवरं जस्स जत्तिया इंदिया अत्थि । ८॥
[सुत्तं १०१६. ९ ईहादारं] १०१६. [१] कतिविहा णं भंते ! ईहा पण्णत्ता ? गोयमा ! पंचविहा १५ ईहा पण्णत्ता । तं जहा-सोइंदियईहा जाव फासेंदियईहा। [२] एवं जाव वेमाणियाणं । णवरं जस्स जति इंदिया। ९॥
[सुताई १०१७-२३. १० उग्गहदारं] १०१७. कतिविहे णं भंते ! उग्गहे पण्णत्ते ? गोयमा ! दुविहे उग्गहे पण्णत्ते । तं जहा-अत्थोग्गहे य वंजणोग्गहे य।
२० १०१८. वंजणोग्गहे णं भंते ! कतिविहे पण्णत्ते ? गोयमा ! चउविहे पण्णत्ते । तं जहा-सोइंदियवंजणोग्गहे घाणिदियवंजणोग्गहे जिभिदियवंजणोग्गहे फासिंदियवंजणोग्गहे।
१०१९. अत्थोग्गहे णं भंते ! कतिविहे पण्णत्ते १ गोयमा ! छविहे अत्थोग्गहे पण्णत्ते। तं जहा-सोइंदियअत्थोग्गहे चक्खिदियअत्थोग्गहे पाणिं- २५ दियअत्थोग्गहे जिभिदियअत्थोग्गहे फासिंदियअत्थोग्गहे णोइंदियअत्थोग्गहे।
Jain Education International
For Private & Personal Use Only
www.jainelibrary.org
