________________
१२. बारसमं सरीरपयं . [सुत्तं ९०१. सरीरभेयपरूवणा] ९०१. कति णं भंते ! सरीरो पण्णत्ता ? गोयमा ! पंच सरीरा पण्णत्ता। तं जहा–ओरालिए १ वेउब्विए २ आहारए ३ तेयए ४ कम्मए ५।
[सुत्ताई ९०२-९०९. चउवीसदंडएसु सरीरपरूवणा]
९०२. णेरइयाणं भंते ! कति सरीरया पण्णत्ता १ गोयमा ! तओ सरीरया पण्णत्ता । तं जहा–वेउविए तेयए कम्मए ।
९०३. एवं असुरकुमाराण वि जाव थणियकुमाराणं ।
९०४. पुढविक्काइयाणं भंते ! कति सरीरया पण्णत्ता ? गोयमा ! तओ सरीरया पण्णत्ता । तं जहा–ओरालिए तेयए कम्मए ।
९०५. एवं वाउक्काइयवजं जाव चउरिंदियाणं ।
९०६. वाउक्काइयाणं भंते ! कति सरीरया पण्णत्ता १ गोयमा ! चत्तारि सरीरया पण्णता । तं जहा–ओरालिए वेउव्विए तेयए कम्मए ।
९०७. एवं पंचिंदियतिरिक्खजोणियाण वि।
९०८. मणूसाणं भंते ! कति सरीरया पण्णत्ता ? गोयमा ! पंच सरीरया १५ पण्णत्ता । तं जहा-ओरालिए वेउव्विए आहारए तेयए कम्मए । ९०९. वाणमंतर-जोतिसिय-वेमाणियाणं जहा णारगाणं [सु. ९०२] ।
[सुत्तं ९१०. ओहेण बद्ध-मुक्कसरीरपरूवणा] ९१०. [27 केवतिया णं भंते ! ओरालियसरीरया पण्णत्ता १ गोयमा ! दुविहा पण्णत्ता । तं जहा-बद्धेल्लया य मुक्केलया य। तत्थ णं जे ते बद्धेल्लगा २० ते णं असंखेजगा, असंखेज्जाहिं उस्सप्पिणि-ओसप्पिणीहिं अवहीरंति कालओ, खेतओ असंखेजा लोगा। तत्थ णं जे ते मुक्केलया ते णं अणंता, अणंताहिं उस्सप्पिणि-ओसप्पिणीहिं अवहीरंति कालओ, खेत्तओ अणंता लोगा, दव्वओ अभेवसिद्धिएहितो अणंतगुणा सिद्धाणं अणंतभागो।
१. सिद्धाणऽणंत° पु२॥
Jain Education International
For Private & Personal Use Only
www.jainelibrary.org
