________________
२१३
८६३]
एगवयणाइभासापरूवणाइ । ८५७. इच्चेवं भंते ! इत्थिक्यणं वा पुमवयणं वा णपुंसगवयणं वा वयमाणे पण्णवणी णं एसा भासा ? ण एसा भासा मोसा ? हंता गोयमा ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा, ण एसा भासा मोसा।
[सुत्ताई ८५८-८५९. भासासरूवं] ८५८. भासा णं भंते ! किमादीया किंपहवा किंसंठिया किंपज्जवसिया ? गोयमा ! भासा णं जीवादीया सरीरपैहवा वजसंठिया लोगंतपज्जवसिया पण्णत्ता । ८५९. भासा कओ य पैहवति ? कतिहिं च समएहिं भासती भासं १ ।
भासा कतिप्पगारा ? कति वा भासा अणुमयाओ ? ॥१९२॥ सरीरप्प॑हवा भासा, दोहि य समएहिं भासती भासं ।
भासा चउप्पगारा, दोणि य भासा अणुमयाओ ॥१९३॥ [सुत्ताई ८६०-८६६. पन्जत्तियाइभासाभेयपरूवणं]
८६०. कतिविहा णं भंते ! भासा पण्णता ? गोयमा ! दुविहा भासा पण्णत्ता। तं जहा–पज्जत्तिया य अपज्जत्तिया य ।
८६१. पज्जत्तिया णं भंते ! भासा कतिविहा पण्णता ? गोयमा ! दुविहा १५ पण्णता। तं जहा-सच्चा य मोसा य ।
८६२. सच्चा णं भंते ! भासा पज्जत्तिया कतिविहा पण्णत्ता ? गोयमा ! दसविहा पण्णत्ता। तं जहा-जणवयसच्चा १ संम्मतसच्चा २ ठवणासच्चा ३ णामसच्चा ४ रूवसच्चा ५ पडुच्चसच्चा ६ ववहारसच्चा ७ भावसच्चा ८ जोगसच्चा ९ ओवम्मसच्चा १०।
जणवय १ संम्मत २ ठवणा ३ णामे ४ रूवे ५ पडुच्चसच्चे ६ य । ववहार ७ भाव ८ जोगे ९ दसमे ओवम्मसच्चे १० य ॥१९४॥
८६३. मोसा णं भंते ! भासा पजत्तिया कतिविहा पण्णता ? गोयमा ! दसविहा पण्णत्ता । तं जहा-कोहणिस्सिया १ माणणिस्सिया २ मायाणिस्सिया ३
१. किंपवहा पु२ मु० ॥ २. पवहा म० ॥ ३. पवहति ध० ॥ ४. °प्पवहा ध० ॥ ५. सम्मुदिसञ्चा जे० प्र० ॥ ६. सम्मुदि २४ जे० प्र०। सम्मुति २ ठ° पुर पु३ । सम्मति २° पुरसं० ॥
Jain Education International
For Private & Personal Use Only
www.jainelibrary.org
