________________
११. एकारसमं भासापयं [सुत्ताई ८३०-८३१. ओहारिणीभासापरूवणं]
८३०. से गुणं भंते ! मण्णामीति ओहारिणी भासा ? चिंतेमीति ओहारिणी भासा १ अह मण्णामीति ओहारिणी भासा ? अह चिंतेमीति ओहारिणी भासा ? तह मण्णामीति ओहारिणी भासा ? तह चिंतेमीति ओहारिणी भासा ? ५ हंता गोयमा ! मण्णामीति ओहारिणी भासा, चिंतेमीति ओहारिणी भासा, अह मण्णामीति ओहारिणी भासा, अह चिंतेमीति ओहारिणी भासा, तह मण्णामीति ओहारिणी भासा, तह चिंतेमीति ओहारिणी भासा ।
८३१. ओहारिणी णं भंते ! भासा कि सच्चा मोसा सच्चामोसा असच्चामोसा ? गोयमा ! सिय सच्चा, सिय मोसा, सिय सच्चामोसा, सिय असच्चामोसा। सेकेणद्वेणं १० भंते ! एवं वुच्चति ओहारिणी णं भासा सिय सच्चा सिय मोसा सिय सञ्चामोसा सिय असच्चामोसा ? गोयमा ! आराहणी सच्चा १ विराहणी मोसा २ आराहणविराहणी सच्चामोसा ३ जा णेव आराहणी णेव विराहणी णेव आराहणविराहणी असच्चामोसा णाम सा चउत्थी भासा ४ से एतेणटेणं गोयमा ! एवं वुच्चइ - ओहारिणी णं भासा सिय सच्चा सिय मोसा सिय सच्चामोसा सिय असच्चामोसा। १५
[सुत्ताई ८३२-८३८. पण्णवणीभासापरूवणं] ८३२. अह भंते ! गाओ मिया पसू पक्खी पण्णवणी णं एसा भासा ? ण एसा भासा मोसा ? हंता गोयमा! गाओ मिआ पसू पक्खी पण्णवणी णं एसा भासा, ण एसा भासा मोसा।
८३३. अह भंते ! जा य इत्थिवयू जा य पुमवयू जा य णपुंसगवयू २० पण्णवणी णं एसा भासा ? ण एसा भासा मोसा ? हंता गोयमा ! जा य इत्थिवयू जा य पुमवयू जा य णपुंसगवयू पण्णवणी णं एसा भासा, ण एसा भासा मोसा। . ८३४. अह भंते ! जा य इथिआणमणी जा य पुमआणमणी जा य णपुंसगआणमणी पण्णवणी णं एसा भासा ? ण एसा भासा मोसा ? हंता गोयमा! जा य इथिओणमणी जा य पुमओणमणी जा य णपुंसगआँणमणी पण्णवणी णं २५ एसा भासा, ण एसा भासा मोसा ।
१-३. आणवणी म० पु१ पु२ सं० ॥
Jain Education International
For Private & Personal Use Only
www.jainelibrary.org
