________________
१९२
पण्णवणासुत्ते णवमं जोणीपयं। [सु. ७६५पण्णता। तं जहा-संवुडा जोणी १ वियडा जोणी २ संवुडवियडा जोणी ३।
७६५. नेरइयाणं भंते ! किं संवुड। जोणी वियडा जोणी संवुडवियडा जोणी ? गोयमा ! संवुडा जोणी, नो वियडा जोणी, नो संवुडवियडा जोणी।
७६६. एवं जाव वणस्सइकाइयाणं ।
७६७. बेइंदियाणं पुच्छा। गोयमा ! नो संवुडा जोणी, वियडा जोणी, णो संवुडवियडा जोणी।
७६८. एवं जाव चउरिंदियाणं ।
७६९. सम्मुच्छिमपंचेंदियतिरिक्खजोणियाणं सम्मच्छिममणुस्साण य एवं चेव। १० ७७०. गब्भवतियपंचेंदियतिरिक्खजोणियाणं गब्भवतियमणुस्साण य नो संवुडा जोणी, नो वियडा जोणी, संवुडवियडा जोणी।।
७७१. वाणमंतर-जोइसिय-वेमाणियाणं जहा नेरइयाणं। .
७७२. एतेसि णं भंते ! जीवाणं संवुडजोणियाणं वियडजोणियाणं संवुडवियडजोणियाणं अजोणियाण य कतरे कतरेहिंतो अप्पा वा बहुया वा तुल्ला वा १५ विसेसाहिया वा ? गोयमा ! सव्वत्थोवा जीवा संवुडवियडजोणिया, वियडजोणिया असंखेज्जगुणा, अजोणिया अणंतगुणा, संवुडजोणिया अणंतगुणा । ३॥
[सुत्तं ७७३. मणुस्सेसु तिविहा जोणी] ७७३. [१] कतिविहा णं भंते ! जोणी पण्णत्ता ? गोयमा ! तिविहा जोणी पण्णत्ता । तं जहा–कुम्मुण्णया १ संखावत्ता २ वंसीपत्ता ३।।
[२] कुम्मुण्णया णं जोणी उत्तमपुरिसमाऊणं। कुम्मुण्णयाए णं जोणीए उत्तमपुरिसा गन्भे वक्कमंति । तं जहा-अरहंता चक्कवट्टी बलदेवा वासुदेवा।
[३] संखावत्ता णं जोणी इत्थिरयणस्स। संखावत्ताए णं जोणीए बहवे जीवा य पोग्गला य वक्कमंति विउक्कमति चयंति उवचयंति, नो चेव णं निप्फति ।
[४] वंसीपत्ता णं जोणी पिहुजणस्स। वंसीपत्ताए णं जोणीए पिहुणे २५ गब्भे वक्कमंति । ४॥
॥ पण्णवणाए भगवईए णवमं जोणीपयं समत्तं ॥
१. जणो गब्भे वक्कमति जे०॥
Jain Education International
For Private & Personal Use Only
www.jainelibrary.org
