________________
१८२
पण्णवणासुत्ते छठे वक्कंतिपए [सु. ६८०६८०. आउ-तेउ-वाउ-वणप्फइकाइयाणं बेइंदिय-तेइंदिय-चरिंदियाण वि एवं चेव।
६८१. पंचेंदियतिरिक्खजोणिया णं भंते! कतिभागावसेसाउया परभवियाउयं पकरेंत १ गोयमा ! पंचेंदियतिरिक्खजोणिया दुविहा पन्नत्ता। तं जहा-संखेनवासाउया य असंखेजवासाउया य । तत्थ णं जे ते असंखेजवासाउया ते नियमा छम्मासावसेसाउया परभवियाउयं पकरेंति । तत्थ णं जे ते संज्जवासाउया ते दुविहा पण्णत्ता । तं जहा - सोवक्कमाउया य निरुवक्कमाउया य । तत्थ णं जे ते निरुवकमाउया ते णियमा तिभागावसेसाउया परभवियाउयं पकरेंति। तत्थ णं
जे ते सोवकमाउया ते णं सिय तिभागे परभवियाउयं पकरेंति, सिय तिभागतिभागे १० य परभवियाउयं पकरेंति, सिय तिभागतिभागतिभागावसेसाउया परभवियाउयं पकरेंति ।
६८२. एवं मणूसा वि। ६८३. वाणमंतर-जोइसिय-वेमाणिया जहा नेरइया । दारं ७॥
[सुत्ताई ६८४-६९२. अट्ठमं आगरिसदारं] ६८४. कतिविधे णं भंते ! आउयबंधे पण्णत्ते ? गोयमा ! छविधे आउयबंधे पण्णत्ते । तं जहा-जातिणामणिहत्ताउए १ गइनामनिहत्ताउए २ ठितीनामनिहत्ताउए ३ ओगाहणाणामणिहत्ताउए ४ पदेसणामणिहत्ताउए ५ अणुभावणामणिहत्ताउए ।
६८५. नेरइयाणं भंते ! कतिविहे आउयवंधे पण्णत्ते ? गोयमा ! छविहे २० आउयबंधे पण्णत्ते। तं जहा–जातिनामनिहत्ताउए १ गतिणामनिहत्ताउए २
ठितीणामणिहत्ताउए ३ ओगाहणानामनिहत्ताउए ४ पदेसणामनिहत्ताउए ५ अणुभावणामनिहत्ताउए ६।
६८६. एवं जाव वेमाणियाणं ।
६८७. जीवा णं भंते ! जातिणामणिहत्ताउयं कतिहिं आगरिसेहिं पकरेंति ? २५ गोयमा ! जहण्णेणं एक्केण वा दोहिं वा तीहिं वा, उक्कोसेणं अट्ठहिं ।
६८८. नेरइया णं भंते ! जाइनामनिहत्ताउयं कतिहिं आगरिसेहिं पकरेंति ? गोयमा ! जहण्णेणं एक्केण वा दोहिं वा तीहिं वा, उक्कोसेणं अट्टहिं ।
६८९. एवं जाव वेमाणिया।
Jain Education International
For Private & Personal Use Only
www.jainelibrary.org
