________________
६. छटुं वकंतिपयं
[५५९. अट्ठदारपरूवणं] ५५९. बारस १ चउवीसाइं २ सअंतरं ३ एगसमय ४ कत्तो य ५।
उव्वट्टण ६ परभवियाउयं ७ च अद्वैव आगरिसा ८॥१८२॥
[सुत्ताई ५६०-५६८. पढमं बारसदारं] ५६०. निरयगती णं भंते ! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं बारस मुहुत्ता।
५६१. तिरियगती णं भंते ! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं बारस मुहुत्ता।
५६२. मणुयगती णं भंते ! केवइयं कालं विरहिया उववाएणं पण्णत्ता ? १० गोयमा ! जहण्णेणं एगं समयं, उक्कोसेणं बारस मुहुत्ता ।
५६३. देवगती णं भंते ! केवतियं कालं विरहिया उववाएणं पण्णत्ता ? गोयमा ! जहण्णेणं एगं समय, उक्कोसेणं बारस मुहुत्ता।
५६४. सिद्धगती णं भंते ! केवतियं कालं विरहितो सिज्झणयाए पण्णता ? गोयमा ! जहण्णणं एगं समयं, उक्कोसेणं छम्मासा ।
५६५. निरयगती णं भंते ! केवतियं कालं विरहिता उव्वट्टणयाए पण्णत्ता ? गोयमा ! जहण्णेणं एगं समयं, उक्कोसेणं बारस मुहुत्ता ।
५६६. तिरियगती णं भंते ! केवतियं कालं विरहिता उव्वट्टणयाए पण्णता ? गोयमा ! जहण्णेणं एगं समयं, उक्कोसेणं बारस मुहुत्ता।
५६७. मणुयगती णं भंते ! केवतियं कालं विरहिया उव्वट्टणाए २० पण्णता ? गोयमा ! जहण्णेणं एगं समयं, उक्कोसेणं बारस मुहुत्ता।
५६८. देवगती णं भंते ! केवतियं कालं विरहिया उव्वट्टणाए पण्णता ? गोयमा ! जहण्णेणं एगं समयं, उक्कोसेणं बारस मुहुत्ता । दारं १॥
१. बारस य चउन्बीसा सई जे० ध० ख० प्र० वी० हा० पुरसं० ॥ २. °ता उववाएणं पण्णत्ता? खं०॥
Jain Education International
For Private & Personal Use Only
www.jainelibrary.org
