________________
पण्णवणासुत्ते पंचमे विसेसपए [सु. ५२०५२०. एवं जाव दसगुणकालए। ५२१. संखेज्जगुणकालए वि एवं चेव । नवरं सट्ठाणे दुट्ठाणवडिते। ५२२. एवं असंखेजगुणकालए वि । णवरं सट्ठाणे चउट्ठाणवडिते। ५२३. एवं अणंतगुणकालए वि । नवरं सट्ठाणे छट्ठाणवडिते ।
५२४. एवं जहा कालवण्णस्स वत्तव्वया भणिया तहा सेसाण वि वण्ण-गंध-रस-फासाणं वत्तव्वया भाणितव्वा जाव अणंतगुणलुक्खे।
५२५. [१] जहण्णोगाहणगाणं भंते ! दुपएसियाणं पुच्छा। गोयमा ! अणंता । से केण?णं भंते! एवं वुच्चति ? गोयमा ! जहण्णोगाहणए दुपएसिए खंधे जहण्णोगाहणगस्स दुपएसियस्स खंधस्स - दव्वट्ठयाए तुले, पएसट्टयाए तुल्ले, ओगाहणट्टयाए तुल्ले, ठितीए चउट्ठाणवडिते, कालवण्णपजवेहिं छट्ठाणवडिते, सेसवण्ण-गंध-रसपज्जवेहिं छट्ठाणवडिते, सीय-उसिण-णिद्ध-लुक्खफासपज्जवेहिं छट्ठाणवडिते, से तेणद्वेणं गोतमा ! एवं वुच्चति जहण्णोगाहणगाणं दुपएसियाणं पोग्गलाणं अणंता पन्जवा पण्णत्ता।
[२] उक्कोसोगाहणए वि एवं चेव । [३] अजहण्णमणुक्कोसोगाहणओ नत्थि ।
५२६. [१] जहण्णोगाहणयाणं भंते ! तिपएसियाणं पुच्छा। गोयमा ! अणंता पजवा। से केणद्वेणं भंते ! एवं वुञ्चति १ गोयमा ! जहा दुपएसिते जहण्णोगाहणते।
[२] उक्कोसोगाहणए वि एवं चेव । [३] एवं अजहण्णमणुक्कोसोगाहणए वि ।
५२७. [१] जहण्णोगाहणयाणं भंते ! चउपएसियाणं पुच्छा। गोयमा ! जहा जहण्णोगाहणए दुपएसिते तहा जहण्णोगाहणए चउपएसिते ।
[२] एवं जहा उक्कोसोगाहणए दुपएसिए तहा उक्कोसोगाहणए चउप्पएसिए वि।
[३] एवं अजहण्णमणुक्कोसोगाहणए वि चउप्पएसिते। णवरं ओगाहणट्ठयाते सिय हीणे सिय तुल्ले सिय मभइए-जति हीणे पएसहीणे, अहऽभइते पएसब्भतिए।
२५
१. रस-फासपज पुर विना ॥ २. °ण-सिणिद्ध खं० पुर विना॥ ३. °लुक्खेहि छ जे० ध० ॥
Jain Education International
For Private & Personal Use Only
www.jainelibrary.org
