________________
४५२] एगिदियाईणं पजवा।
१३९ पण्णत्ता। से केणद्वेणं भंते ! एवं वुच्चति वाउक्काइयाणं अणंता पज्जवा पण्णता ? गोयमा ! वाउक्काइए वाउक्काइयस्स दवट्टयाए तुल्ले, पदेसट्टयाए तुल्ले, ओगाहणट्ठयाए चउट्ठाणवडिते, ठितीए तिढाणवडिते, वण्ण-गंध-रस-फास-मतिअण्णाण-सुयअण्णाणअचक्खुदंसणपजवेहि य छट्ठाणवडिते।
४४७. वणप्फइकाइयाणं भंते ! केवतिया पज्जवा पण्णता ? गोयमा ! ५ अणंता पज्जवा पण्णत्ता। से केणटेणं भंते ! एवं वुचति वणप्फइकाइयाणं अणंता पज्जवा पण्णत्ता ? गोयमा ! वणप्फइकाइए वणप्फइकाइयस्स दवट्टयाए तुल्ले, पदेसट्टयाए तुल्ले, ओगाहणट्ठयाए चउट्ठाणवडिते, ठितीए तिट्ठाणवडिए, वण्ण-गंधरस-फास-मतिअण्णाण-सुयअण्णाण-अचक्खुदंसणपज्जवेहि य छट्ठाणवडिते, से तेणडेणं गोयमा ! एवं बुञ्चति वणस्सतिकाइयाणं अणंता पज्जवा पण्णत्ता ।
[सुत्ताइ ४४८-४५०. विगलिंदियाणं पज्जवा]
४४८. बेइंदियाणं पुच्छा। गोयमा ! अणंता पजवा पण्णत्ता। से केणटेणं भंते ! एवं वुचति बेइंदियाणं अणंता पजवा पण्णत्ता ? गोयमा ! बेइंदिए बेइंदियस्स दव्वट्ठयाए तुल्ले, पदेसट्टयाए तुल्ले, ओगाहणट्ठयाए सिय हीणे सिय तुल्ले सिय अब्भहिए-जति हीणे असंखेजतिभागहीणे वा संखेजतिभागहीणे वा १५ संखेजगुणहीणे वा असंखेजगुणहीणे वा, अह मन्भहिए असंखेजभागमभहिए वा संखेजभागमभइए वा संखेजगुणमभइए वा असंखेन्जगुणमभइए वा; ठितीए तिट्ठाणवडिते; वण्ण-गंध-रस-फास-आभिणिबोहियणाण-सुतणाण-मतिअण्णाण-सुतअण्णाण-अचक्खुदंसणपजवेहि य छट्ठाणवडिते।
४४९. एवं तेइंदिया वि।
४५०. एवं चरिंदिया वि। णवरं दो दंसणा-चक्खुदंसणं अचक्खुदंसणं च।
[सुत्तं ४५१. पंचिंदियतिरिक्खजोणियाणं पज्जवा] ४५१. पंचेंदियतिरिक्खजोणियाणं पज्जवा जहा नेरइयाणं तहा भाणितव्वा ।
[सुत्तं ४५२. मणुस्साणं पजवा] ४५२. मणुस्साणं भंते ! केवतिया पन्जवा पण्णता ? गोयमा ! अणंता पजवा पण्णता। से केणटेणं भंते! एवं बुच्चति मणुस्साणं अणंता पज्जवा पण्णत्ता ? गोयमा ! मणुस्से मणुस्सस्स दव्वट्ठयाए तुल्ले, पएसट्टयाए तुल्ले, ओगाहणट्ठयाए
Jain Education International
For Private & Personal Use Only
www.jainelibrary.org
