________________
४१४] वेमाणियठिइपण्णवणा।
१२९ ४१०. [१] सोहम्मे कप्पे देवीणं पुच्छा। गोयमा ! जहण्णेणं पलिओवमं, उक्कोसेणं पण्णासं पलिओवमाइं।
[२] सोहम्मे कप्पे अपज्जत्तियाणं देवीणं पुच्छा । गोयमा ! जहण्णेण वि उक्कोसेण वि अंतोमुहुत्तं [ग्रन्थानम् २५००]।
[३] सोहम्मे कप्पे पज्जत्तियाणं देवीणं पुच्छा। गोयमा ! जहण्णेणं ५ पलिओवमं अंतोमुहुत्तूणं, उक्कोसेणं पण्णासं पलिओवमाइं अंतोमुहुत्तूणाई ।
४११. [१] सोहम्मे कप्पे परिग्गहियाणं देवीणं पुच्छा। गोयमा ! जहण्णेणं पलिओवमं, उक्कोसेणं सत्त पलिओवमाइं।
[२] सोहम्मे कप्पे परिग्गहियाणं अपज्जत्तियाणं देवीणं पुच्छा । गोयमा ! जहण्णेण वि उक्कोसेण वि अंतोमुहत्तं ।।
[३] सोहम्मे कप्पे परिग्गहियाणं पज्जत्तियाणं देवीणं पुच्छा। गोयमा ! जहण्णेणं पलिओवमं अंतोमुहुत्तूणं, उक्कोसेणं सत्त पलिओवमाइं अंतोमुहुत्तूणाई।
४१२. [१] सोहम्मे कप्पे अपरिग्गहियाणं देवीणं पुच्छा। गोयमा ! जहण्णेणं पलिओवमं, उक्कोसेणं पण्णासं पलिओवमाई।
[२] सोहम्मे कप्पे अपरिग्गहियाणं अपज्जत्तियाणं देवीणं पुच्छा । गोयमा ! १५ जहण्णेण वि उक्कोसेण वि अंतोमुहुत्तं ।
[३] सोहम्मे कप्पे अपरिग्गहियाणं पज्जत्तियाणं देवीणं पुच्छा । गोयमा ! जहण्णेणं पलिओवमं अंतोमुहुत्तूणं, उक्कोसेणं पण्णासं पलिओवमाइं अंतोमुहुत्तूणाई।
४१३. [१] ईसाणे कप्पे देवाणं पुच्छा। गोयमा ! जहण्णेणं सातिरेगं पलिओवमं, उक्कोसेणं सातिरेगाइं दो सागरोवमाइं ।
२० [२] ईसाणे कप्पे अपजत्ताणं देवाणं पुच्छा। गोयमा ! जहण्णेण वि उकोसेण वि अंतोमुहुत्तं ।
[३] ईसाणे कप्पे पजत्ताणं देवाणं पुच्छा । गोयमा ! जहण्णेणं सातिरेगं पलिओवमं अंतोमुहुत्तूणं, उक्कोसेणं सातिरेगाइं दो सागरोवमाइं अंतोमुहुत्तूणाई।
४१४. [१] ईसाणे कप्पे देवीणं पुच्छा । गोयमा ! जहण्णेणं सातिरेगं २५ पलिओवमं, उक्कोसेणं पणपण्णं पलिओवमाइं।
[२] ईसाणे कप्पे देवीणं अपज्जत्तियाणं पुच्छा । गोयमा! जहण्णेण वि उक्कोसेण वि अंतोमुहुत्तं।
Jain Education International
For Private & Personal Use Only
www.jainelibrary.org
