________________
पण्णवणासुत्ते चउत्थे ठिइपए
[सु. ३६१[३] पजत्तयाणं पुच्छा । गोयमा ! जहण्णेणं अंतोमुहुत्तं, उक्कोसेणं तिष्णि रातिदियाइं अंतोमुहुत्तूणाई।
३६१. सुहुमतेउकाइयाणं ओहियाणं अपज्जत्तयाणं पजत्तयाण य जहण्णेण वि उक्कोसेण वि अंतोमुहुत्तं । ५ ३६२. [१] बादरतेउकाइयाणं पुच्छा । गोयमा ! जहण्णेणं अंतोमुहुत्तं, उक्कोसेणं तिण्णि रातिंदियाई।
[२] अपज्जत्तयवादरतेउकाइयाणं पुच्छा । गोयमा ! जहणणेण वि उक्कोसेण वि अंतोमुहुत्तं।
[३] पजत्ताणं पुच्छा । गोयमा ! जहण्णेणं अंतोमुहुत्तं, उक्कोसेणं तिण्णि १० रातिंदियाइं अंतोमुहुत्तूणाई।
३६३. [१] वाउकाइयाणं भंते ! केवतियं कालं ठिती पण्णत्ता ? गोयमा ! जहण्णेणं अंतोमुहुत्तं, उक्कोसेणं तिण्णि वाससहस्साई ।
[२] अपज्जत्तयवाउकाइयाणं पुच्छा । गोयमा ! जहण्णेण वि उक्कोसेण वि अंतोमुहुत्तं ।
[३] पजत्तयाणं पुच्छा । गोयमा ! जहण्णेणं अंतोमुहुत्तं, उक्कोसेणं तिण्णि वाससहस्साइं अंतोमुहुत्तूणाई।
___ ३६४. [१] सुहुमवाउकाइयाणं पुच्छा। गोयमा ! जहण्णेण वि उक्कोसेण वि अंतोमुहुत्तं।
[२] अपजत्तयसुहुमवाउकाइयाणं पुच्छा। गोयमा ! जहण्णेण वि २० उक्कोसेण वि अंतोमुहुत्तं ।
[३] पज्जत्तयाणं पुच्छा। गोयमा ! जहण्णेण वि उक्कोसेण वि अंतोमुहुत्तं ।
३६५. [१] बादरवाउकाइयाणं पुच्छा । गोयमा ! जहण्णेणं अंतोमुहुत्तं, उक्कोसेणं तिन्नि वाससहस्साइं।
[२] अपज्जत्तबादरवाउकाइयाणं पुच्छा । गोयमा ! जहण्णेण वि उक्कोसेण २५ वि अंतोमुहुत्तं ।
[३] पजतबादरवाउकाइयाणं पुच्छा। गोयमा ! जहण्णेणं अंतोमुहुत्तं, उक्कोसेणं तिण्णि वाससहस्साइं अंतोमुहुत्तूणाई।
३६६. [१] वणप्फइकाइयाणं भंते ! केवतियं कालं ठिती पण्णता ? गोयमा ! जहण्णेणं अंतोमुहुत्तं, उक्कोसेणं दस वाससहस्साइं।
Jain Education International
For Private & Personal Use Only
www.jainelibrary.org
