________________
११४
पण्णवणासुत्त चउत्थे ठिइपए [सु. ३४३पण्णता ? गोयमा ! जहण्णेणं बावीसं सागरोवमाइं अंतोमुहुत्तूणाई, उक्कोसेणं तेत्तीसं सागरोवमाइं अंतोमुहुत्तूणाई।
[सुत्ताई ३४३-३४४. देव-देवीठिइपण्णवणा]
३४३. [१] देवाणं भंते ! केवतियं कालं ठिती पण्णता ? गोयमा ! ५ जहण्णणं दस वाससहस्साई, उक्कोसेणं तेत्तीसं सागरोवमाइं ।
[२] अपज्जत्तयदेवाणं भंते ! केवतियं कालं ठिती पण्णता ? गोयमा ! जहण्णणं अंतोमुहुत्तं, उक्कोसेण वि अंतोमुहत्तं ।
[३] पज्जत्तयदेवाणं भंते ! केवतियं कालं ठिती पण्णत्ता ? गोयमा ! जहण्णणं दस वाससहस्साइं अंतोमुहुत्तूणाई, उक्कोसेणं तेत्तीसं सागरोवमाई १० अंतोमुहुत्तूणाई।
३४४. [१] देवीणं भंते ! केवतियं कालं ठिती पण्णता ? गोयमा ! जहण्णेणं दस वाससहस्साई, उक्कोसेणं पणपण्णं पलिओवमाई।।
[२] अपज्जत्तगदेवीणं भंते ! केवतियं कालं ठिती पण्णत्ता ? गोयमा ! जहण्णणं अंतोमुहुत्तं, उक्कोसेण वि अंतोमुहुत्तं ।
[३] पज्जत्तयदेवीणं भंते ! केवतियं कालं ठिती पण्णत्ता ? गोयमा ! जहण्णेणं दस वाससहस्साइं अंतोमुहुत्तूणाई, उक्कोसेणं पणपण्णं पलिओवमाई अंतोमुहुत्तूणाई।
[सुत्ताई ३४५-३५३. भवणवासिठिइपण्णवणा]
३४५. [१] भवणवासीणं भंते ! देवाणं केवतियं कालं ठिती पण्णत्ता ? २० गोयमा! जहण्णेणं दस वाससहस्साइं, उक्कोसेणं सातिरेगं सागरोवमं।
[२] अपजत्तयभवणवासीणं भंते ! देवाणं केवतियं कालं ठिती पण्णता ? गोयमा ! जहण्णेण वि अंतोमुहत्तं, उक्कोसेण वि अंतोमुहुत्तं ।
[३] पज्जत्तयभवणवासीणं भंते ! देवाणं केवतियं कालं ठिती पण्णता ? गोयमा ! जहण्णेणं दस वाससहस्साई अंतोमुहुत्तूणाई, उक्कोसेणं सातिरेगं २५ सागरोवमं अंतोमुहुत्तूणं ।
३४६. [१] भवणवासिणीणं भंते ! देवीणं केवतियं कालं ठिती पण्णत्ता ? गोयमा ! जहण्णेणं दस वाससहस्साई, उक्कोसेणं अद्धपंचमाई पलिओवमाई।
Jain Education International
For Private & Personal Use Only
www.jainelibrary.org
