________________
३३४]
२७. महादंडयदारं ।
पएसट्टयाए १, संखेज्जपएसोगाढा पोग्गला दव्वट्टयाए संखेज्जगुणा २, ते चेव पएसट्ट्याए संखेज्जगुणा ३, असंखेज्जपदेसोगाढा पोग्गला दव्वट्टयाए असंखेज्जगुणा ४, ते चेव पदेसट्टयाए असंखेज्जगुणा ५ ।
३३२. एतेसि णं भंते! एगसमयठितीयाणं संखेज्जसमयठितीयाणं असंखेज्जसमयठितीयाण य पोग्गलाणं दव्वट्टयाए पदेसट्टयाए दव्वट्ठपएसट्टयाए ५ कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा एगसमयठितीया पोग्गला दव्वट्टयाए १, संखेज्जसमयठितीया पोग्गला दव्वट्टयाए संखेज्जगुणा २, असंखेज्जसमयठितीया पोग्गला दव्वट्टयाए असंखेज्जगुणा ३; पदेसट्टयाए - सव्वत्थोवा एगसमयठितीया पोग्गला अपदेसट्टयाए १, संखेज्जसमयठितीया पोग्गला पदेसट्टयाए संखेज्जगुणा २, असंखेज्जसमयठितीया पोग्गला १० पदेसट्टयाए असंखेज्जगुणा ३; दव्बट्ठपदेसट्टयाए - सव्वत्थोवा एगसमयठितीया पोग्गला दव्वट्ठअपदेसट्ट्याए १, संखेज्जसमयठितीया पोग्गला दव्वट्टयाए संखेज्जगुणा २, ते चेव पदेसट्टयाए संखेज्जगुणा ३, असंखेज्जसमयठितीया पोग्गला दव्त्रट्टयाए असंखेज्जगुणा ४, ते चेव पदेसट्टयाए असंखेज्जगुणा ५ ।
१०९
३३३. एतेसि णं भंते! एगगुणकालगाणं संखेज्जगुणकालगाणं १५ असंखेजगुणकालगाणं अनंतगुणकालगाण य पोग्गलाणं दव्त्रट्टयाए पदेसट्टयाए दव्वपदेसट्टयाए कतरे कतरेहिंतो अप्पा वा बहुया वा तुला वा विसेसाहिया वा ? गोयमा ! जहा परमाणुपोग्गला (सु. ३३० ) तहा भाणितव्वा । एवं संखेज्जगुणकालयाण वि । एवं सेसा वि वण्ण-गंध-रसा भाणितव्या । फासाणं कक्खड-मउय-गरुय-लहुयाणं जधा एगपदेसोगाढाणं (सु. ३३१ ) भणितं तहा २० भाणितव्वं । अवसेसा फासा जधा वण्णा भणिता तथा भाणितव्त्रा । दारं २६ ॥
[ सुत्तं ३३४. सत्तावीसइमं महादंडयदारं ]
३३४. अह भंते! सव्वजीवप्पबहुं महादंडयं वत्तइस्सामि - सव्वत्थोवा गब्भवक्कंतिया मणुस्सा १, मणुस्सीओ संखेज्जगुणाओ २, बादरतेउक्काइया पज्जत्तया असंखेज्जगुणा ३, अणुत्तरोववाइया देवा असंखेज्जगुणा ४, उवरिमगेवे - २५ जगा देवा संखेज्जगुणा ५, मज्झिमगेवेज्जगा देवा संखेज्जगुणा ६, हेट्ठिमगेवेज्जगा देवा संखेज्जगुणा ७, अच्चुते कप्पे देवा संखेज्जगुणा ८, आरणे कप्पे देवा
१. तियमणुस्सा ध० म० ५१ ५२ ५३ ॥
Jain Education International
For Private & Personal Use Only
www.jainelibrary.org
