________________
१००
पण्णवणासुत्ते तइए बहुवत्तव्वयपए [सु. २७०[सुत्ताई २७०-२७३. एगवीसइमं अस्थिकायदारं]
२७०. एतेसिणं भंते ! धम्मत्थिकाय-अधम्मत्थिकाय-आगासत्थिकाय-जीवथिकाय-पोग्गलत्थिकाय-अद्धासमयाणं दव्वट्ठयाए कतरे कतरेहितो अप्पा वा बहुया
वा तुल्ला वा विसेसाहिया वा ? गोयमा ! धम्मत्थिकाए अधम्मत्थिकाए आगासत्थिकाए ५ य एए तिन्नि वि तुल्ला दव्वट्ठयाए सव्वत्थोवा १, जीवत्थिकाए दव्वट्ठयाए अणंतगुणे २, पोग्गलत्थिकाए दवट्ठयाए अणंतगुणे ३, अद्धासमए दव्वट्ठयाए अणंतगुणे ४।
२७१. एएसि णं भंते ! धम्मत्थिकाय-अधम्मत्थिकाय-आगासत्थिकायजीवत्थिकाय-पोग्गलत्थिकाय-अद्धासमयाणं पदेसट्टयाए कतरे कतरेहितो अप्पा वा
बहुया वा तुल्ला वा विसेसाहिया वा ? गोयमा ! धम्मत्थिकाए अधम्मत्थिकाए य १० एते णं दो वि तुल्ला पदेसट्टयाए सव्वत्थोवा १, जीवत्थिकाए पदेसठ्ठताए अणंत
गुणे २, पोग्गलत्थिकाए पदेसट्टयाए अणंतगुणे ३, अद्धासमए पदेसट्टयाए अणंतगुणे ४, आगासस्थिकाए पदेसट्ठताए अणंतगुणे ५।।
२७२. [१] एतस्स णं भंते ! धम्मत्थिकायस्स दव्वट्ठ-पदेसट्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे १५ एगे धम्मत्थिकाए दव्वट्ठताए, से चेव पदेसठ्ठताए असंखेज्जगुणे।
[२] एतस्स णं भंते ! अधम्मत्थिकायस्स दव्वट्ठ-पदेसट्टताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे एगे अधम्मत्थिकाए दव्वट्ठताए, से चेव पदेसट्ठताए असंखेज्जगुणे ।
[३] एतस्स णं भंते ! आगासत्थिकायस्स दव्वट्ठ-पदेसट्टताए कतरे २० कतरेहिंतो अप्पा वा बहुया वा तुल्ला वा विसेसाहिया वा १ गोयमा ! सव्वत्थोवे एगे आगासत्थिकाए दव्वठ्ठताए, से चेव पदेसठ्ठताए अणंतगुणे।
[४] एतस्स णं भंते ! जीवत्थिकायस्स दव्वट्ठ-पदेसट्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे जीवत्थिकाए दव्वट्ठयाए, से चेव पदेसट्ठताए असंखेज्जगुणे ।।
[५] एतस्स णं भंते ! पोग्गलत्थिकायस्स दव्वट्ठ-पदेसट्टताए कतरे कतरेहिंतो अप्पा वा बहुया वा तुल्ला वा विसेसाहिया वा १ गोयमा ! सव्वत्थोवे पोग्गलत्थिकाए दव्वट्ठयाए, से चेव पदेसट्टयाए असंखेन्जगुणे।
१. °ट्टयाए पएस जे० ॥
Jain Education International
For Private & Personal Use Only
www.jainelibrary.org
