________________
पण्णवणासुत्ते तहए बहुवत्तव्वयपए [सु. २६० - सव्वत्थोवा जीवा मणपज्जवणाणी १, ओहिणाणी असंखेजगुणा २, आभिणिबोहियणाणी सुतणाणी य दो वि तुल्ला विसेसाहिया ३, विहंगणाणी असंखेजगुणा ४, केवलणाणी अणंतगुणा ५, मइअण्णाणी सुतअण्णाणी य दो वि तुल्ला अणंतगुणा ६ । दारं १०॥
__ [सुत्तं २६०. एक्कारसमं दंसणदारं] २६०. एतेसि णं भंते ! जीवाणं चक्खुदंसणीणं अचक्खुदंसणीणं ओहिदंसणीणं केवलदंसणीण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा ओहिदंसणी १, चक्खुदंसणी
असंखेज्जगुणा २, केवलदसणी अणंतगुणा ३, अचक्खुदंसणी अणंतगुणा ४ । १० दारं ११॥
[सुत्तं २६१. दुवालसमं संजयदारं] २६१. एतेसि णं भंते ! जीवाणं संजयाणं असंजयाणं संजयासंजयाणं नोसंजयनोअसंजयनोसंजतासंजताण य कतरे कतरेहितो अप्पा वा बहुया वा तुल्ला
वा विसेसाहिया वा? गोयमा ! सव्वत्थोवा जीवा संजता १, संजयासंजता १५ असंखेजगुणा २, नोसंजतनोअसंजतनोसंजतासंजता अणंतगुणा ३, असंजता अणंतगुणा ४ । दारं १२॥
[सुत्तं २६२. तेरसमं उवओगदारं] २६२. एतेसि णं भंते ! जीवाणं सागारोवउत्ताणं अणागारोवउत्ताण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! २० सव्वत्थोवा जीवा अणागारोवउत्ता १, सागारोवउत्ता संखेज्जगुणा २ । दारं १३॥ - [सुत्तं २६३. चोदसमं आहारदारं] - २६३. एतेसि णं भंते ! जीवाणं आहारगाणं अणाहारगाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा जीवा अणाहारगा १, आहारगा असंखेज्जगुणा २ । दारं १४ ॥
_ [सुत्तं २६४. पनरसमं भासगदारं] २६४. एतेसि णं भंते ! जीवाणं भासगाणं अभासगाण य कतरे
Jain Education International
For Private & Personal Use Only
www.jainelibrary.org
