________________
७४
पण्णवणासुत्ते बिइए ठाणपए [सु. २०४. २०१ [१]), णवरं चत्तालीसं विमाणावाससहस्सा भवंतीति मक्खातं । वडेंसगा
जहा सोहम्मवडेंसगा (सु. १९७ [१]), णवरं मझे यऽत्थ महासुक्कवडेंसए जाव (सु. १९६) विहरति ।
[२] महासुक्के यऽत्थ देविंदे देवराया जहा सणंकुमारे (सु. १९९ ५ [२]), णवरं चत्तालीसाए विमाणावाससहस्साणं चत्तालीसाए सामाणियसाहस्सीणं चउण्ह य चत्तालीसाणं आयरक्खदेवसाहस्सीणं जाव (सु. १९६) विहरति ।
२०४. [१] कहि णं भंते ! सहस्सारदेवाणं पजत्ताऽपज्जत्ताणं ठाणा पण्णता ? कहि णं भंते ! सहस्सारदेवा परिवसंति ? गोयमा ! महासुक्कस्स कप्पस्स
उप्पिं सपक्खि सपडिदिसिं जाव (सु. १९९ [१]) उप्पइत्ता एत्थ णं सहस्सारे १० णामं कप्पे पण्णत्ते पाईण-पडीणायते जहा बंभलोए (सु. २०१ [१]), णवरं
छविमाणावाससहस्सा भवंतीति मक्खातं । देवा तहेव (सु. १९७ [१]) जाव वडेंसगा जहा ईसाणस्स वडेंसगा (सु. १९८ [१]), णवरं मज्झे यऽत्थ सहस्सारवडेंसए जाव (सु. १९६) विहरति ।
[२] सहस्सारे यऽत्थ देविंदे देवराया परिवसति जहा सणंकुमारे (सु. १५ १९९[२]), णवरं छण्हं विमाणावाससहस्साणं तीसाए सामाणियसाहस्सीणं चउण्ह य तीसाए आयरक्खदेवसाहस्सीणं जाव (सु.१९६) आहेवच्चं कारेमाणे विहरति ।
२०५. [१] कहि णं भंते ! आणय-पाणयाणं देवाणं पज्जत्ताऽपज्जत्ताणं ठाणा पण्णता ? कहि णं भंते ! आणय-पाणया देवा परिवसंति ? गोयमा ! सहस्सारस्स कप्पस्स उप्पिं सपक्खि सपडिदिसिं जाव (सु. १९९ [१]) उप्पइत्ता एत्थ णं आणय-पाणयनामेणं दुवे कप्पा पण्णत्ता पाईण-पडीणायता उदीण-दाहिणवित्थिण्णा अद्धचंदसंठाणसंठिता अचिमाली-भासरासिप्पभा, सेसं जहा सणंकुमारे (सु. १९९ [१]) जाव पडिरूवा । तत्थ णं आणय-पाणयदेवाणं चत्तारि विमाणावाससता भवंतीति मक्खायं जाव पडिरूवा । वडिंसगा जहा
सोहम्मे (सु. १९७ [१]), णवरं मज्झे पाणयवडेंसए। ते णं वडेंसगा २५ सव्वरयणामया अच्छा जाव पडिरूवा (सु..१९६)। एत्थ णं आणय-पाणयदेवाणं
पज्जत्ताऽपजत्ताणं ठाणा पण्णत्ता । तिसु वि लोगस्स असंखेजइभागे। तत्थ णं बहवे आणय-पाणयदेवा परिवसंति महिड्डीया जाव (सु. १९६) पभासेमाणा । ते णं तत्थ साणं साणं विमाणावाससयाणं जाव (सु. १९६) विहरंति।
[२] पाणए यऽत्थ देविंदे देवराया परिवसति जहा सणंकुमारे (सु. १९९
Jain Education International
For Private & Personal Use Only
www.jainelibrary.org
