________________
६२
१८४. [१] कहि णं भंते! सुवण्णकुमाराणं देवाणं पज्जत्ताऽपज्जत्ताणं ५ ठाणा पण्णत्ता ? कहि णं भंते! सुवण्णकुमारा देवा परिवसंति ? गोयमा ! इमीसे रयणप्पभाए पुढवीए जाव एत्थ णं सुवण्णकुमाराणं देवाणं बावत्तरिं भवणावाससतसहस्सा भवतीति मक्खातं । ते णं भवणा बाहिं वट्टा जाव पडिवा । तत्थ णं सुवण्णकुमाराणं देवाणं पज्जत्ताऽपज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ णं बहवे सुवण्णकुमारा देवा परिवसंति महिड्डिया, सेसं जहा ओहियाणं (सु. १७७[१] ) जाव विहरंति ।
[२] वेणुदेव-वेणुदाली यत्थ दुवे सुवण्णकुमारिंदा सुवण्णकुमाररायाणो परिवसंति महडीया जाव (सु. १७७ [२] ) विहति ।
१०
पण्णवणासुते बिए ठाणपए
[ सु. १८४
[२] भूयाणंदे यत्थ णागकुमारिंदे नागकुमारराया परिवसति महिडीए जाव (सु. १७७[२]) पभासेमाणे । से णं तत्थ चत्तालीसाए भवणावाससतसहस्साणं आहेवच्चं जाव (सु. १७७ [२] ) विहरति ।
१८५. [१] कहि णं भंते ! दाहिणिल्लाणं सुवण्णकुमाराणं पज्जत्ताऽपज्जत्ताणं ठाणा पण्णत्ता ? कहि णं भंते ! दाहिणिला सुवण्णकुमारा देवा १५ परिवसंति ? गोयमा ! इमीसे जाव मज्झे अट्ठहत्तरे जोयणसतसहस्से, एत्थ णं दाहिणिल्लाणं सुवण्णकुमाराणं अट्ठत्तीसं भवणावाससतसहस्सा भवतीति मक्खातं । ते णं भवणा बाहिं वट्टा जाव पडिरूवा । एत्थ णं दाहिणिल्लाणं सुवण्णकुमाराणं पज्जत्ताऽपज्जत्ताणं ठाणा पण्णत्ता । तिसु वि लोगस्स असंखेज्जइभागे । एत्थ णं बहवे सुवण्णकुमारा देवा परिवसंति ।
२०
[२] वेणुदेवे यत्थ सुवण्णिदे सुवण्णकुमारराया परिवसइ । सेसं जहा नागकुमाराणं (सु. १८२[२])।
१८६. [१] कहि णं भंते ! उत्तरिल्लाणं सुवण्णकुमाराणं देवाणं पजत्ताऽपज्जत्ताणं ठाणा पण्णत्ता ? कहि णं भंते! उत्तरिल्ला सुवण्णकुमारा देवा परिवसंति ? गोयमा ! इमीसे रयणप्पभाए जाव एत्थ णं उत्तरिल्लाणं २५ सुवण्णकुमाराणं चोत्तीसं भवणावाससतसहस्सा भवतीति मक्खातं । ते णं भवणा जाव एत्थ णं बहवे उत्तरिल्ला सुवण्णकुमारा देवा परिवसंति महिड्डिया जाव (सु. १७७ [१] ) विहरति ।
[२] वेणुदाली यत्थ सुवण्णकुमारिंदे सुवण्णकुमारराया परिवसति महिड्डीए, सेसं जहा णागकुमाराणं (सु. १८३ [२] ) ।
Jain Education International
For Private & Personal Use Only
www.jainelibrary.org
