________________
१६६
१०
अणुओगहारेसु
[ सु० ४०९
[३] वाउकाइयाणं जाव गो० ! चत्तारि सरीरा पन्नत्ता । तं० - ओरालिए वेव्विए तेयए कम्मए ।
१५
४०९. बेंदिय-तेंदिय-चउरिंदियाणं जहा पुढवीकाइयाणं ।
४१०. पंचेंदियतिरिक्खजोणियाणं जाव गो० ! जहा वाउकाइयाणं ।
४११. मणूसाणं जाव गो० ! पंच सरीरा पन्नत्ता । तं० - ओरालिए वेव्विए आहारए तेयए कम्मए ।
४१२. वाणमंतराणं जोइसियाणं वैमाणियाणं जहा नेरइयाणं, वेउव्वियतेय -कम्मा तिन्नि तिन्नि सरीरा भाणियव्वा ।
४१३. केवतिया णं भंते ! ओरालियसरीरा पण्णत्ता ? गो० ! दुविहा पण्णत्ता । तं जहा - बद्धेल्या य मुक्केल्लया य । तत्थ णं जे ते बद्धेलया ते णं असंखेज्जा असंखेज्जाहिं उस्सप्पिणी- ओसप्पिणीहिं अवहीरंति कालओ, खेत्ततो असंखेज्जा लोगा । तत्थ णं जे ते मुक्केलगा ते णं अनंता अनंताहिं उस्सप्पिणीओसप्पिणीहिं अवहीरंति कालओ, खेत्ततो अणंता लोगा, दव्वओ अभवसिद्धिएहिं अनंतगुणा सिद्धाणं अनंतभागो ।
४१४. केवतिया णं भंते! वेउव्वियसरीरा पं० ? गोतमा ! दुविहा पण्णत्ता । तं० - बद्धेलया य मुक्केलया य । तत्थ णं जे ते बद्धेल्लया ते असंखेज्जा असंखेज्जाहिं उस्सप्पिणि-ओसप्पिणीहिं अवहीरंति कालओ, खेत्तओ असंखेज्जाओ सेढीओ पतरस्स असंखेज्जइभागो । तत्थ णं जे ते मुक्केलया ते णं अणंता अणंताहिं उस्सप्पिणि- ओसप्पिणीहिं अवहीरंति कालओ, सेसं जहा २० ओरालियस्स मुक्केलया तहा एते वि भाणियव्वा ।
४१५. केवइया णं भंते! आहारगसरीरा पं० ? गोयमा ! दुविहा पं० । तं० - बद्धेल्लया य मुक्केलया य । तत्थ णं जे ते बद्धेल्लया ते णं सिया अत्थि सिया नत्थि, ज़इ अत्थि जहणेणं एगो वा दो वा तिण्णि वा, उक्कोसेणं सहस्सपुर्हतं । मुक्केलया जहा ओरालियसुरीरस्स तहा भाणियव्वा ।
१. कइ विहाणं भंते! सं० विना ॥ २. अनंता जहा ओरालियमुक्केलगा तहेव भाणि सं० ॥ ३. सेसं पि जहा संवा० ॥ ४-५ सिय सं० संवा० ॥ ६. हत्तं । तत्थ णं जे ते मुक्केलया ते णं आणता जहा ओरालियमुक्केलमा । ४१६. के सं० ॥
Jain Education International
For Private & Personal Use Only
www.jainelibrary.org
