________________
लहुनंदी- अणुण्णानंदी। वा सव्वालंकारविभूसियं अणुजाणिज्जा । से तं मीसिया कुप्पावयणिया० दव्वाणुण्णा । से तं कुप्पावयणिया० दवाणुण्णा।
१९. से किं तं लोउत्तरिया० दव्वाणुण्णा १ लोउत्तरिया० दव्वाणुण्णा तिविहा पण्णत्ता, तं जहा-सचित्ता अचित्ता मीसिया।
२०. से किं तं सचित्ता० १ सचित्ता० से जहाणामए आयरिए इ वा उवज्झाए इ वा थेरे इ वा पंवत्ती इ वा गणी इ वा गणहरे इ वा गणावच्छेयए इ वा सीसस्स वा सिस्सिणीए वा कम्हि कारणे तुढे समाणे सीसं वा सिस्सिणिं वा अणुजाणेजा। से तं सचित्ता० ।
२१. से किं तं अचित्ता० ? अचित्ता० से जहाणामए आयरिए ति वा उवज्झाए ति वा थेरे ति वा पवत्ती ति वा गणी ति वा गणधरे ति वा गणावच्छेदिए ति वा सिस्सस्स वा सिस्सिणियाए वा कम्हिय कारणे तुढे समाणे वत्थं वा पातं वा पडिग्गहं वा कंबलं वा पादपुंछणं वा अणुजाणेज्जा। से तं अचित्ता०।
२२. से किं तं मीसिया० १ मीसिया० से जहाणामए आयरिए इ वा १५ उवज्झाए इ वा थेरे इ वा पवत्ती इ वा गणी इ वा गणहरे इ वा गणावच्छेयए इ वा
सिस्सस्स वा सिस्सिणीए वा कम्हिय कारणे तुढे समाणे सिस्सं वा सिस्सिणियं वा सभंड-मत्तोवगरणं अणुजाणेजा। से तं मीसिया० । से तं लोगुत्तरिया० । से तं जाणगसरीरभवियसरीरवइरित्ता० दवाणुन्ना। से तं णोआगमतो दव्वाणुण्णा । से तं दव्वाणुण्णा ३।
२३. से किं तं खेत्ताणुण्णा ? खेत्ताणुण्णा जो णं जस्स खेत्तं अणुजाणति, जत्तियं वा खेत्तं, जम्मि वा खेते। से तं खेत्ताणुण्णा ४।
२४. से किं तं कालाणुण्णा ? कालाणुण्णा जो णं जस्स कालं अणुजाणति, जत्तियं वा कालं, जम्मि वा काले अणुजाणति, तं०–तीतं वा
पडुप्पण्णं वा अणागतं वा वसंतं वा हेमंतं वा पाउसं वा अवत्थाणहेउं । से तं २५ कालाणुण्णा ५।
• २५. से किं तं भावाणुण्णा ? भावाणुण्णा तिविहा पण्णत्ता, तं जहालोइया कुप्पावयणिया लोगुत्तरिया।
१. पवत्तए इ जे० । पवत्तीए इ ल० ॥
Jain Education International
For Private & Personal Use Only
www.jainelibrary.org
