________________
पाईणायरियविरइया 50. किं पुण तं चउरंगं जं नटुं दुल्लहं पुणो होइ ? । __माणुस्सं १ धम्मसुई २ सद्धा ३ तवसंजमे विरियं ४ ॥ ५० ॥ 51. किह नासिज्ज अगीओ खुहा-पिवासाहिं पीडिओ सो उ ।
ओहासइ रयणीए तो निद्धम्मो त्ति छड्डिज्जा ॥५१॥ 52. अंतो वा बाहिं वा दिया व राओ व सो परिचत्तो।
अट्टदुहट्टवसट्टो उन्निक्खमणाइ कुन्जा ही ॥५२॥ 53. मरिऊणे अट्टझाणो गच्छइ तिरिएसु वणयरेसुं वा ।
संभरिऊण य रुट्ठो पडिणीयत्तं करिजा ही ॥५३॥ 54. एए अन्ने य तहिं बहवे दोसा य पञ्चवाया य ।
तेण न कुजा पासे भत्तपरिन्नं अगीयस्स ॥५४॥ 55. पंच व छ व सत्तसए अइरेगं वा वि जोयणाणं तु ।
गीयत्थपायमूलं परिमग्गिज्जा अपरितंतो ॥ ५५॥ 56. एकं व दो व तिन्नि व उक्कोसं बारसेव वासाई ।
गीयत्थपायमूलं परिमग्गिज्जा अपरितंतो ॥५६॥ 57. अप्फालिया जह रणे जोहा भंजंति परबलाणीयं ।
गीयजुओ उ परिन्नी तह जिणइ परीसहाणीयं ॥ ५७॥ 58. सुनिउणनिजामगविरहियस्स पोयस्स जह भवे नासो ।
गीयत्थविरहियस्स उ तहेव नासो परिन्निस्स ॥ ५८॥ 59. निउणमईनिजामगपोओ जह इच्छियं वए भूमिं ।
गीयत्येणुववेओ तह उ परिन्नी लहइ सिद्धिं ॥ ५९॥ 60. खवयस्स इच्छसंपायणेण देहपडिकम्मकरणेण ।
अन्नेहिं वा उवाएहिं सो समाहिं कुणइ तस्स ॥६०॥ 61. जाणइ फासुयदव्वं खवगस्स हियं च तह उइन्नाणं ।
जाणइ पडियारं वाय-पित्त-सिंभाण गीयत्थो॥ ६१ ॥
१. छंडिजा D.|| २. °णऽदृज्झाणो A. B. F. ॥
Jain Education International
For Private & Personal Use Only
www.jainelibrary.org
