________________
पाईणायरियविरइया 7. तह पावट्ठाणाणं वोसिरणं २७ अणसणं २८ च अणुसट्ठी २९ । सारेऊणं कवयं ३० नवकारा३१ऽऽ राहणाए फलं ३२ ॥७॥
दारगाहाओ॥
[गा. ८-२४. पढमं संलेहणादारं] 8. संलेहणा उ दुविहा अभितरिया १ य बाहिरा २ चेव ।
अभितरा कसाएसु, बाहिरा होइ हु सरीरे ॥८॥ 9. तणुसंलेहा तिविहा उक्कोसा १ मज्झिमा २ जहण्णा ३ य ।
बारस वासा १ बारस मासा २ पक्खा वि बारस उ ३ ॥९॥ 10. चत्तारि विचित्ताई, विगंईनिज्जूहियाई चत्तारि ।
संवच्छरे य दुण्णि उ एगंतरियं च आयामं ॥१०॥ 11. नाइविगिट्ठो य तवो छम्मासे परिमियं च आयामं ।
अण्णे वि य छम्मासे होइ विगिटुं तवोकम्मं ॥११॥ 12. वासं कोडीसहियं आयामं कटु आणुपुव्वीए ।
संलेहित्तु सरीरं भत्तपरिन्नं पवज्जेइ ॥१२॥ 13. उक्कोसगा उ एसा १ एवं मासेहिं मज्झिमा नेया २।
संलेहणा जहण्णा एमेव य भवइ पक्खेहिं ३ ॥१३॥ 14. देहम्मि असंलिहिए सहसा धाऊहिं खिजमाणाहिं ।
जायइ अट्टज्झाणं सरीरिणो चरिमकालम्मि ॥१४॥ 15. एवं सरीरसंलेहणाविहिं बहुविहं च फासिंतो।
अज्झवसाणविसुद्धिं खणमवि खैवओ न मुंचिजा ॥१५॥ 16. अज्झवसाणविसुद्धी कसायकलुसियमणस्स नत्थि त्ति ।
अज्झवसाणविसुद्धी कसायसंलेहणा भणिया ॥१६॥ 17. कोहं खमाए, माणं मद्दवया, अजवेण मायं च ।
संतोसेण य लोहं जिणइ हु चत्तारि वि कसाए ॥१७॥
1. विकृतिरहितानीत्यर्थः ॥ २. °माणेहिं B.C. E. ॥ ३. खममो C. E.॥ .
Jain Education International
For Private & Personal Use Only
www.jainelibrary.org
