________________
२२९
५. आराहणापयरणं
___ २२९ [गा. ५७-६२. चउत्थं अणसणदारं] 2576. अह कयखामणजोगो जोग्गत्तं अप्पणो मुणेऊण ।
अभिवंदिऊण देवे गुरू य कुजा अणसणं तु ॥ ५७॥ 2577. तिविहं चउव्विहं वा आहारं मुयइ मुणियनियमावो ।
तं पुण सागारं वा करेन्ज अहवा निरागारं ॥ ५८॥ 2578. भवचरिमं पञ्चक्खामि चउविहं अहव तिविहमाहारं ।
आगारचउक्केणं अण्णत्थिचाइणा सम्मं ॥ ५९॥ 2579. एवं किर सागारं, महयरपभिईविवज्जियं इयरं ।
पाणाहारे कप्पइ सुद्धोदगमेव से नवरं ॥ ६०॥ 2580. अन्भंगाई सव्वं समाहिहेउं ति तत्थ न विरुद्धं ।
जेण समाही एत्थं सारो सुगईए हेउ त्ति ॥ ६१॥ 2581. एत्थ पुण परिहरेजा कंदप्पाईणि दुट्ठकम्माणि ।
इह १ परलोगे २ मरणे ३ जीविय४-कामेसु ५ आसंसं ॥६२॥दारं ४॥
[गा. ६३-७६. पंचमं सुहभावणादारं] 2582. इय पडिवण्णाणसणो सम्म भावेज भावणाओ सुभा।
एगत्ता-१ऽणिच्चत्ता२ऽसुइत्त३-अण्णत्त४पभिईओ ॥ ६३॥ 2583. एगो हं, नत्थि मे कोई, न याऽहमवि कस्सई ।
वरं धम्मो जिणक्खाओ एत्थं मज्झ बिइज्जओ ॥ ६४॥ 2584. अणिचं जीवियं देहो जोव्वणं पियसंगमो।
नत्थि इत्थ धुवं किं पि जत्थ राओ विहीयइ ॥६५॥ 2585. देहो जीवस्स आवासो, सो य सुक्काइसंभवो।
धाउरूवो मलाहारो सुई नाम कहं भवे ? ॥६६॥ 2586. एगो मे सासओ अप्पा नाण-दंसणसंजुओ।
सेसा मे बाहिरा भावा सव्वे संजोगलक्खणा ॥ ६७॥
Jain Education International
For Private & Personal Use Only
www.jainelibrary.org
