________________
१८६
'आराहणासार 'अवरणामा 2109. विच्छुय-कोलियमाइसु चउरिंदिसु जं गएण मए जीवा ।
दुहिया वहिया सव्वस्स तस्स गरिहामि तिविहेणं ॥१८८॥ 2110. मच्छ-मगराइजलयरभाव पावित्त जीवसंघाया ।
जे छुहवसेण निहया ते हं खामेमि भवभीओ ॥ १८९॥ 2111. दीविय-सीहाईसुं अंतो जाएण थलयरेसु मए ।
वहिया जे के वि जिया ते वि य तिविहेण खामेमि ॥१९॥ 2112. गिद्ध-भिलुंग-हलाहिय-सिंचाणाईसु कूरखयरेसु ।
उववन्जिय जे वहिया जीवा खामेमि ते सव्वे ॥१९१ ॥ 2113. उरपरिसप्पत्ते वि य अहि-अयगर-गोणसाइसु गएणं ।
डसिया गसिया जे के वि पाणिणो ते वि खामेमि ॥१९२॥ 2114. गोहा-नउलाईणं भुयपरिसप्पाण जाइमुवलब्भ ।
जे के वि मए पाणा दूहविया ते खमंतु ममं ॥१९३॥ 2115. वंताइसु चलिएसुं मुच्छिममणुयत्तणं उबगएणं ।
मिच्छत्ताईहेऊहिं अज्जियं जं तयं गरिहे ॥ १९४ ॥ 2116. अह गब्भयमणुयत्ते पते जं पावकम्ममायरियं ।
तिविहेणं तं निंदे पच्छायावेण संजुत्तो ॥१९५॥ 2117. नरभावं लहिऊणं आसवपणएण तह कसाएहिं ।
मिच्छेण तिदंडेहिं जं रइयं तं तिहा निंदे ॥१९६ ॥ 2118. अमणुन्न-मणुन्नेसुं सोय-पमोयाइकरणसत्तेण ।
राग-दोसा जं कम्ममजियं तमिह निंदामि ॥१९७॥ 2119. राग-दोसो य कओ इट्ठाऽणिडेसु जो य रूवेसु ।
चक्खिदियमूढेणं सो मे तिविहेण वोसिरिओ ॥ १९८॥ 2120. घाणत्थिएण पूइसु कत्थूरिमिगाइए व जे सत्ते ।
मण-वय-काएहि य रे! वहिए य वहाविए खामे ॥ १९९॥ 2121. भवभयमगणंतेणं रसणिदियमुच्छिएण जे वहिया ।
__ मच्छ-मिगाइयजीवा मण-वय-काएहि ते खामे ॥२०॥
Jain Education International
For Private.& Personal Use Only
www.jainelibrary.org
