________________
२. आराहणापडाया
१६७
1910. अकुसलखओवसमओ, निययं कुसलाणुबंधओ चेव ।
आराहणाए सिद्धी विसुद्धगइसाहणी होइ ॥ ९७८॥ 1911. मरणसमयम्मि जायइ जारिसिया से मई महोयारा ।
तारिसिएसुप्पत्ती होइ तओ नरवर-सुरेसु ॥ ९७९ ॥ 1912. तेसु वि गुणाणुराओ सुहपरिणामो य होइ जीवस्स ।
पुव्वब्भासेण जओ दाण-ऽज्झयणाइ परिणमइ ॥९८० ॥ 1913. जह खलु दिवसऽभत्थं रयणीए सुमिणयम्मि पिच्छंति ।
तह इहजम्मन्भत्थं सेवंति भवंतरे जीवा ॥ ९८१॥ 1914. इय विसयवइरिवहवीरभद्दमाराहणं पसाहेसु ।
उवएसपएहिं इमेहिं धीर ! धीराण सम्मग्गे ।। ९८२॥
[गा. ९८३-८९. उवसंहारो गंथकारनामाइनिरूवणं च 1915. जिणमयमयरहरुप्पण्णमेयमाराहणामयं पाउं।
विसउण्हतण्हमवहाय साहुणो निव्वुइमुर्विति ॥ ९८३ ॥ 1916. इय सुंदराई जिणवीरभद्दभणियाई पवयणाहिंतो ।
चिरमुचिणि सुपएसा रइया आराहणपडाया ॥ ९८४॥ 1917. वण्णाणमाणुपुव्वी गाहद्धपयाण पाययाणं च ।
कत्थइ कहिंचि रइया पुव्वपसिद्धाण समईए ॥ ९८५॥ 1918. आराहणापसत्थम्मि एत्थ सत्थम्मि गंथपरिमाणं ।
नउयाइं नव सयाई अत्थागाहम्मि गाहाणं ॥९८६ ॥ 1919. विक्कमनिवकालाओ अदुत्तरिमे समासहस्सम्मि १०७८ ।
एसा सव्वंगिहिया गहिया गाहाहिं सरलाहिं ॥ ९८७॥ 1920. मोहेण मंदमइणा इमम्मि जमणागमं मए लिहियं ।
तं महरिसिणो मरिसिंतु, अहव सोहिंतु करुणाए ॥९८८॥
१. मुश्चिण सुसं १॥
Jain Education International
For Private & Personal Use Only
www.jainelibrary.org
