________________
१४६
सिरिवीरभद्दायरियविरइया 1665. घूलाइयस्स कुलजस्स माणिणो रणमुहे वरं मरणं ।
न य लज्जणयं काउं जावजीवं पि जणमज्झे ॥ ७३३ ॥ 1666. समणस्स माणिणो संजयस्स निहणगमणं पि होउ वरं ।
न य जंपणयं काउं कायरया-दीण-किवणतं ॥ ७३४ ॥ 1667. इक्कस्स कए नियजीवियस्स को जंपणं करिज नरो।
पुत्त-पपुत्तादीणं रणे पलाणो सुणहलंछं ॥ ७३५॥ 1668. तह अप्पणो कुलस्स य संवस्स य मा ह जीवियत्थीउ ।
कुणसु जणे जंपणय किवणत्तणयं सुणहलंछं ॥ ७३६ ॥ 1669. जइ नाम तहऽण्णाणी संसारपवडणाइ लेसाए ।
तिव्वाइ वेयणाए वि समाउल(१ ला) तह करिति घिई ॥७३७॥ 1670. किं पुण जइणा संसारसव्वदुक्खक्खयं करितेणं ।
बहुतिव्वदुक्खरसजाणएण न धिई करेयव्वा १ ॥ ७३८ ॥ 1671. मेरु व्व निप्पकंपा अक्खोभा, सायरो व्व गंभीरा ।
धीमंतो सप्पुरिसा हुंति महलावईहिं पि ॥ ७३९ ॥ 1672. धीरा विमुक्कसंगा आयारोवियभरा अपरिकम्मा।
गिरिपब्भारमइगया बहुसावयसंकडं भीमं ॥ ७४०॥ 1673. धीधणियबद्धकच्छा अणुत्तरविहारिणो सुहसहाया ।
साहिति उत्तिमढें सावयदादतरगया वि ॥ ७४१॥ 1674. भलंकीइ अकरुणं खजंतो घोरवेयणऽट्टो वि ।
आराहणं पवण्णो झाणेण अवंतिसुकुमालो ॥ ७४२ ॥ 1675. मुग्गिल्लगिरिम्मि सुकोसलो वि सिद्धत्थदइयओ तइया ।
वग्घीए खजंतो पडिवण्णो उत्तिमं अटुं ॥ ७४३॥ 1676. पडिमागयस्स सीसे दिएण पज्जालियम्मि जलणम्मि ।
भयवं गयसुकुमालो पडिवण्णो उत्तिमं अर्द्धं ॥ ७४४ ॥
१. उत्तम सं२, एवमन्यत्रापि ।।
Jain Education International
For Private & Personal Use Only
www.jainelibrary.org
