________________
११७
११७
२. आराहणापडाया 1309. इय पयविभागियं ओघियं च आलोयणं स दाऊणं ।
सव्वगुणसोहिकंखी गुरूवएसं समारुहइ ॥ ३७७ ॥ 1310. कयपावो वि मणूसो आलोइय निंदिउं गुरुसयासे ।
होइ अइरेगलहुओ ओहरियभरो व्व भारवहो ॥ ३७८ ॥ 1311. आलोयणं सुणित्ता तिक्खुत्तो भिक्खुणो उवाएणं ।
जइ उज्जुओ ति नजइ जहाकडं पट्टवेयव्वो ॥ ३७९ ।। 1312. आउरसल्ले मोसे मालागररज्जकज तिक्खुत्तो ।
आलोयणा वि एवं कायव्वा उजुयाऽऽहरणा ॥ ३८० ॥ 1313. पडिसेवणाइयारे जइ नाऽऽउंटे जहक्कम सव्वे ।
न करिंति तओ सोहिं आगमववहारिणो तस्स ॥ ३८१ ॥ 1314. पडिसेवणाइयारे जइ आउंटे जहक्कम सव्वे ।
कुव्वंति तओ सोहिं आगमववहारिणो तस्स ॥ ३८२ ॥ 1315. आलोइयम्मि खमएण छेयसुत्तऽत्थजाणगगणी सो ।
तो आगमवी सम्मं करेइ सुत्ते य अत्थे य ॥३८३ ॥ 1316. पडिसेवओ वि वर्षिं व कुणइ हाणिं व पावकम्मस्स ।
परिणामवसेण जियस्स तत्थ तिव्वा व मंदा वा ॥ ३८४ ॥ 1317. पडिसेविउं किलिट्ठो गालेइ गुणे, नवं च आवियइ। .
पुवकयं च ददं सो दुग्गइ-भवबंधणं कुणइ ॥ ३८५॥ 1318. पडिसेवित्ता कोई पच्छायावेण डज्झमाणमणो ।
संवेगजणियकरणो देसं घाएज सव्वं वा ॥३८६॥ 1319. जह आउयवेयविऊ रोगं नाऊण ताण तेगिच्छं ।
तह सुत्तविऊ नाउं विप्परिणामं विसोहेइ ॥ ३८७॥ 1320. एयारिसस्स मूले, असती उज्झायमाइपामूले ।
वासासु तवं काउं संथारै ठाइ हेमंते ॥ ३८८॥ गुण-दोसा २ ॥
Jain Education International
For Private & Personal Use Only
www.jainelibrary.org
